Europako Sendagaien Agentziak ontzat eman du herritarrek orokorrean Modernaren hirugarren dosia jasotzea
Europako Sendagaien Agentziak, astelehen honetan, ontzat eman du herritarrek orokorrean Modernaren covid-19aren aurkako txertoaren hirugarren dosia jasotzea.
Hirugarren dosi hori, Agentziak zehaztu duenez, bigarrena jaso eta sei hilabetetik zortzi hilabetera eman beharko liekete 12 urtetik gorako herritarrei.
Europako Sendagaien Agentziak estatubatuar farmazeutikoak aurkeztutako datuak aztertu ditu; datu horiek erakusten dute hirugarren dosiak "gorakada" dakarrela, helduetan, "antigorputzen mailetan"; denborak aurrera jo ahala, detektatuta zuten antigorputzen kopuruak behera egiten zuela.
Hain zuzen, Europako Sendagaien Agentziak baieztatu du "aintzat hartzekoa" dela Modernaren hirugarren dosi hori; izan ere, lehen jarraibidearen erdia da, kontuan izanik azken hori bi dosikoa dela. Albo-ondorioak bigarren dosiak eragiten dituenak bezalakoak dira; hanturazko bihotz-gaixotasunak eta beste ondorio kaltegarriak pairatzeko arriskua, baina, "arreta handiz" ari dira kontrolatzen, dio agentziak.
Iritziaren berri emanez, Europako Sendagaien Agentziaren helburua da osasun publikoaren erakundeek gomendio ofizialak eman ahal izan dezatela. Horretarako, hainbat puntu izan beharko dute kontuan, pandemiaren tokiko egoera kasu.
Hilabete honetan bigarrenez babestu du Europako Sendagaien Agentziak errefortzuko dosiren bat; izan ere, urriaren hasieran Pfizerren hirugarren dosia ere aldeztu zuen, 18 urtetik gorako helduentzat.
Immunologia-sistema oso ahulduta duten hiritarrei dagokienez, baina, errefortzu-dosien kontua bestelakoa da; Europako Sendagaien Agentziak, kasu horretan, gomendatu zuen dosi gehigarria ematea, Pfizerrekin zein Modernarekin, bigarren dosia jaso eta gutxienez 28 egunera.
Txertaketa-kanpainarekin lotutako erabakiak, Europar Batasunean, herrialdeek hartu behar dituzte.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.