Tolosako Udalak bertan behera utzi du asteburuan egitekoa zen Babarrun Festa
Koronabirusaren bilakaerari aurre egiteko Eusko Jaurlaritzak onartu duen azken aginduak bere lehen ondorioak izan ditu. Tolosako Udalak bertan behera utzi du asteburu honetan egitekoa zen Babarrun Festa eta Murgian ere ez da festarik izango asteburuan. Gaur argitaratu da EAEko Aldizkari Ofizialean Osasun Sailaren azken agindua eta horren arabera, Eusko Jaurlaritzak udalen esku utzi du ekitaldi jendetsuak bertan behera uzteko eskumena.
Pandemiaren bilakaera ikusita eta Eusko Jaurlaritzaren aginduan egiten den eskariari jarraituz, Tolosako Udalak bertan behera utzi du asteburu honetan egitekoa zen Babarrun Festa, zuhurtziagatik eta arduragatik. Udaletik jakinarazi dutenez, larunbateko ohiko azoka eta antolatutako kultur jarduerak bakarrik baimenduko dituzte, indarrean dauden osasun neurriak zorrotz jarraituz. Gauzak horrela ez dira egingo Tolosako babarrunaren ekoizleen XXIX. lehiaketa eta ezta Tolosako babarrunaren lehiaketa gastronomikoa ere. Halaber, erantzukizunez eta arduraz jokatzeko deia egin die alkateak tolosarrei.
Hauek dira Tolosako Udalak baimendu dituen kultur jarduerak: Nogen taldearen kontzertua azaroaren 19an, Leidorren; Santa Zezilia eguneko Musika Bandaren kalera, geldialdirik gabe egingo dena; eta Euskal Herriko Aizkolari Txapelketa azaroaren 28an; Beotibar pilotalekuan.
Tolosa ez da asteburuko ekitaldiak bertan behera utzi dituen udalerri bakarra. Murgian, esaterako, jaiak ez ospatzea erabaki dute. Irailean egitekoak ziren, baina azarora atzeratu zituzten.
Murgia eta Tolosa bi adibide baino ez dira. Zer gertatuko da esaterako Urretxu-Zumarragan egiten den Santa Luzia azokarekin, Durangoko Azokarekin edo Bilboko eta Donostiako San Tomas azokekin? Orain, tokian tokiko udal gobernuak Osasun Sailaren agindu berriaren xehetasunak aztertzen ari dira udazkenean eta neguan aurreikusitako ekitaldiekin zer egin deliberatzeko.
Egutegiari begiratuz gero, San Andres jaiak ate joka dituzte Eibarren. Jon Iraola alkateak "Egun on Euskadi" saioari azaldu dionez, jaiak ospatu ahal izatea da bere nahia, baina Eusko Jaurlaritzaren aginduaren xehetasunak irakurri zain daude.
CONTENIDO NO ENCONTRADO
Abenduaren 13an Santa Luzia eguneko azoka egin ohi dute Urretxu-Zumarragan. Oraindik ez dute behin-betiko erabakirik hartu eta bi udalak egoera aztertzen ari dira zer egin erabakitzeko. Dena dela, Mikel Serrano Zumarragako alkateak uste du ez duela zentzurik Santa Luzia azoka atzeratzeak.
CONTENIDO NO ENCONTRADO
San Tomas eguneko azokari buruz galdetuta, edozein eszenarioren aurrean hartu behar diren erabakiak hartzeko prest egon behar dela azpimarratu du Eneko Goia Donostiako alkateak. Horregatik, momentu bakoitzean moldatzeko gaitasuna izatea aldarrikatu du.
Bilboko San Tomas azoka egingo ote den galdetuta, orain ez dela erabakiak hartzeko momentua adierazi du Juan Mari Aburto Bilboko alkateak. Dena den, azpimarratu du ez duela Udalak antolatzen eta espazio publikoa okupatzeko baimena eman besterik ez duela egiten. Dena dela, birusak hor jarraitzen duela eta arduraz jokatzeko deia egin du.
Aburtok gogorarazi duenez, Gotzone Sagardui Osasun sailburuak urriaren 21ean sinatutako aginduaren arabera, "maskara janztea nahitaezkoa da barrualdeetan", baita 1,5 metroko distantzia errespetatzen ez den hiriguneetan ere.
Durangon, bestalde, abenduaren 3an hastekoa den Durangoko Azokari buruzko azalpenak astelehenean dituzte ematekoak antolatzaileek.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.