Gutxienez 27 pertsona hil dira Mantxako kanalean, ontzi bat hondoratuta
27 pertsona migratzaile hil dira Mantxako kanalean, ontzi bat hondoratuta, Frantziako Gobernuak jakitera eman duen azken zenbaketaren arabera. Hildakoek Erresuma Batura heltzea zuten helburu.
Aurrez, Emmanuel Macron Frantziako presidenteak eta Gerald Darmanin Barne ministroak 31 pertsona hil direla eta beste bi pertsona erreskatatu dituztela adierazi dute.
Hildakoen artean bost emakume eta neskato bat daude. Gainera, segurtasun indarrek bi pertsona erreskatatu ahal izan dituzte Calaiseko kostaldean eta ospitalera eraman dituzte hipotermia zantzuekin. Ustezko lau trafikatzaile atxilotu dituzte.
Tragediaren berri izan ondotik, telefonoz hitz egin dute Emmanuel Macron Frantziako presidenteak eta Boris Johnson Erresuma Batuko lehen ministroak. Migratzaileen ahaleginak geldiarazteko eta horretara bultzatzen dituzten talde kriminalak harrapatzeko ahaleginak bateratzea adostu dute bi agintariek.
Elkarrizketa hori izan aurretik, Emmanuel Macron Frantziako presidenteak Europako homologoei Frontex agentziaren baliabideak berehala areagotzea eskatu die Europar Batasunaren kanpoko mugetan. Era berean, "premiazko bilera" eskatu du migrazioaren erronkari aurre egiteko.
"Frantziak Mantxako kanala hilerria bihurtzen ez du utziko. Trafikatzaile sareek bizitzak arriskuan jartzen dituzte. Biktimei, umezurtzei eta familiei zor diegu. Gure buruari zor diogu", adierazi du ohar batean.
"Sare kriminal" horiek desegiteko lana bizkortzea aldarrikatu du Macronek, Erresuma Batua, Belgika, Herbehereak eta Alemaniarekin elkarlanean: "gaurtik gure esfortzuak areagotzen ez baditugu, tragedia gehiago gertatuko dira", erantsi du.
Presidenteak oharrean azaldu duenez, urte hasi zenetik, 600 poliziaren eta jendarmeren lanari esker, 44 sare desegin eta 1.552 pertsona atxilotu dituzte.
Hala ere, Erresuma Batura iristeko 47.000 saiakera izan dira. Segurtasun indarrek 7.800 pertsona migratzaile erreskatatu dituzte. Gaur gertatutakoarekin Europa "atsekabetuta" dagoela gaineratu du Macronek.
Frantziak gehiago egin dezakeela esan du Boris Johnsonek
Bestalde, migratzaileak Mantxako kanaletik Erresuma Batura joatea saihesteko neurri gehiago har ditzala eskatu dio Boris Johnsonek Frantziako Gobernuari.
"Migratzaileak itsasora bidalita negozioa egiten duten mafiekin amaitzeko" deia egin du lehen ministro britainiarrak.
Halaber, iradoki du Macronen Gobernuak ez duela nahikoa egiten Frantziako kostaldetik txalupen irteera ekiditeko. "Arazo honi aurre egiteko modua zein konbentzitzen saiatu gara herrialdeak
Zailtasunak izan ditugu hainbat herrialde, batez ere Frantzia, arazo honi aurre egin behar zaiola konbentzitzeko", kritikatu du.
Migratzaileen auziari lotuta, Frantziako eta Erresuma Batuko gobernuen arteko ika-mikak ohikoak dira.
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.