Osakidetzako profesionalek "ospitalzentrismoa" eta Lehen Mailako Arretaren "abandonua" salatu dituzte
Arabako Lehen Mailako Arretako langileen batzordeko sindikatuek, Eusko Jaurlaritzaren "ospitalzentzismoa"-ren aldeko apustua eta horrek dakarren Lehen Arretaren "abandonua" salatu ditu; egoera "jasanezina" da osasun zentroetan.
Sindikatuetako bozeramaileek hedabideen aurrean agerraldia egin dute ostegun honetan, eta esan dute pandemiaren aurretik "gainezka" zeuden langileak, orain covidaren seigarren olatuarekin "lur jota" daudela.
Itziar Fuente Satse sindikatuko ordezkariak azaldu duenez, Eusko Jaurlaritzaren egungo osasun-politikak "Lehen Mailako Arreta abandonatzen" duela, gaixotasunen prebentzioa eta osasunaren sustapena alde batera uzten dituela. Haatik, ospital eta osasun zentro handien aldeko apustua egiten duela esan dute, "erakargarriagoak baitira bioteknologiako eta farmaziako industria pribatuentzat".
Irakurri duten adierazpenean esan dutenez, "egoera jasanezina da, urteetan zehar Lehen Mailako Arreta hiltzen utzi baita eta gobernu honen osasun politikak ospitalzentrismoaren aldeko apustua egin duelako, osasuna eskuraezinagoa, pribatizatuagoa eta gero eta ankerragoa" izan dadin eraginez.
Osakidetzako Lehen Mailako Arretako langileen ustez, "funtsezkoa" da behin-behineko langileak finkatzea, plantilla egonkortzea, egoera berriari neurria hartzea eta profesionalen ihesa saihestea.
Lehen Mailako Arretaren lehentasuna ez da txertaketa izan behar, ez covidaren aurkakoa, ez beste birusen aurkakoa ere. Fuentek esan duenez, "Gasteizko egungo txertaketa-guneak, San Martingo osasun-zentroan, ez ditu betetzen hirugarren dosi masibo bati aurre egiteko baldintzak".
Oso txikia dela esan du, aireztapena ez dela egokia eta jendeak ez duela segurtasun tartea gordetzen.
Azkenik, sindikatuek azpimarratu dute profesionalak lanez gainezka daudela eta lan-karga berriak dituztela, eta, ondorioz, erizainen kasuan, esaterako, bi aste inguruko itxarote-zerrenda dagoela pazienteak artatzeko.
Zure interesekoa izan daiteke
Galarretako sutea eremu berrietara ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz parke naturaleko sutearen itzaltze-lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.