Lehen Arretako lanpostuak betetzeko "zailtasun handiak" onartu ditu Sagarduik
Gotzone Sagardui Osasun sailburuak aitortu duenez, Lehen Arretako lanpostuak betetzeko "zailtasun handiak" ditu Osakidetzak. Hainbat mediku erretiroa hartzen ari dira, eta horiek ordezkatzeko profesionalak falta dira; arazoak luze joko du, ohartarazi duenez. Era berean, "arazoak" daude psikiatrak topatzeko, haurtzaroan espezializatutakoak batez ere.
Sagarduik talde parlamentarioek egindako bi galdera erantzun ditu kontrolerako saioan, biak ala biak Lehen Arretaren ingurukoak.
Carmelo Barrio PP+Cs taldeko legebiltzarkideak Lurralde arteko azken Osasun Batzordean Lehen Arretari buruz adostutako adierazpenaren inguruan itaundu dio sailburuari. Jaurlaritzak abstentziora jo zuen.
Bestalde, Maria Garde EH Bilduko kideak buruko osasunari buruzko galdera bota du. Gogorarazi duenez, osasun profesionalek ohartarazi dute pandemiak areagotu egin dituela depresioa, beldurra edo antsietatea, eta batez ere, haurrengan eta nerabe-gazteengan atzeman dutela kasuen igoera hori.
Lehen galderari erantzunez, sailburuak azaldu du Ministerioak eta erkidegoek bat egin dutela Lehen Arretan eta Gizarte Osasunean espezializatutako profesionalen "falta" dagoela esatean. Sagarduiren hitzetan, arazoaren oinarrian Barneko Mediku Egoiliarren (BAME) inguruan egin zen planifikazioa dago, izan ere, espezializazio batzuetan "ez ziren kontuan hartu belaunaldi ordezkapenak". Osasun sailburuak uste du luzaroko arazoa izango dela.
Bigarren gaiari buruz, sailburuak aitortu du buruko gaitzen kopurua hazi egin dela pandemian zehar, baina azpimarratu du egoki artatzen ari direla hainbat baliabideren bidez. Horien artean aipatu du Bilboko eguneko ospitale psikiatriko berria; bertan buruko osasun arazo larriak dituzten ume eta nerabeak artatu ahalko dituzte erietxeratu gabe.
Dena dela, ondoez emozional eta nahasmen psikiatrikoak. Azken horiek ahotan, Donostiako zein Basurtuko ospitaleetan ume eta nerabeentzako psikiatria arretarako zerbitzua dagoela gogorarazi du, eta Santiagoko, Txagorritxuko eta Gurutzetako ospitaleetan antzerakoak jartzeko lanetan ari direla.
Horrez gain, Galdaoko erietxearen baitan eguneko bi ospitale sortzekotan daudela iragarri du. Bata elikadura nahasmenduak artatzeko izango da eta bestea, adikzioekin.
EH Bilduk neurri gehiago eskatu ditu buruko osasuneko arazoei aurre egiteko. Garderen iritzian, "gaur-gaurkoz Osakidetzak ez ditu bere osotasunean artatzen, sistema ez dagoelako horretarako prestatuta, batez ere Lehen Arretan".
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.