Txertoak omikron aldaerara egokitzeko hiruzpalau hilabete beharko lituzkete
Emer Cooke Sendagaien Europako Agentziako (EMA) zuzendariak azaldu duenez, beharrezkoa balitz, txertoak omikron aldaera berrira azkar egokitzeko egitasmoak prest ditu agentziak. Horrela, prozesua burutzeko hiru eta lau hilabete artean beharko dituztela aurreratu du.
Europako Parlamentuan hitza hartu du Cookek. Sendagaien Europako Agentziako zuzendariak zuhurtzia eskatu du; izan ere, oraindik andui berriaren osagai asko ezagutzea falta da, txertoak egokitzea beharrezkoa izango den erabakitzeko.
"Ez dakigu oraindik beharrezkoa izango den, baina kontingentzia planak prest ditugu. Arautzaileekin elkarlanean ari gara onena espero dugulako, baina okerrena gertatzen bada ere prest gaude", adierazi du EMAko arduradunak.
Europan dauden anduien aurka txertoek eraginkor izaten jarraitzen dutela azpimarratu du Cookek une oro. "Birusa mutatzen ari dela badakigu, eta ikuspegia aldatzeko unea helduko da", onartu du. Hirugarren dosia jasotzearen garrantzia berretsi du zuzendariak.
Erabakia hartzen den unetik "hiruzpalau hilabete" beharrezkoak lirateke txertoak egokitzeko, Cookek erantsi duenez. Hala ere, lehenengo Europako egoera epidemiologikoa, aldaeren zirkulazio maila eta Europako biztanleriaren faktoreak, hala nola, adina eta txertaketa, aztertu beharko lirateke.
Zuzendariaren esanetan, Europako eta Hegoafrikako egoerak ezberdinak dira, Europan txertaketa zabalduagoa dagoelako, "eta hirugarren dosia gomendatzeko fasean gaude dagoeneko". Europan omikron anduiaren zirkulazioan "eragin dezaketen faktoreak" dira, nabarmendu du.
Bestalde, "oso tasa txikia eta arriskutsua duten herrialdeetan" txertaketa hedatzearen beharra berretsi du Cookek. "Omikron aldaeraren inguruan zenbat eta gehiago jakin, garrantzitsuagoa da", ohartarazi du.
Hala ere, denborarekin txertoek eraginkortasuna galtzen dutela onartu du Cookek. Horregatik, hirugarren dosiaren txertaketa abiatzea "oso garrantzitsua" dela uste du arduradunak, baita umeen txertaketa ere, iragan astean Pfizer 5-11 adin tartean erabiltzeko baimena eman ondoren.
Gainera, "aste honen amaieran bertan" mix & match estrategiaren inguruko gomendio zientifikoa prest izatea espero du EMAk, txerto ezberdinen konbinazioa, alegia.
"Iragan neguan baino tresna askoz gehiago ditugu orain pandemiari aurre egiteko", adierazi du Cookek, baina txertoak "erabakigarriak dira eta izango dira" lan horretan, ohartarazi duenez.
Zure interesekoa izan daiteke
Ertzaintzak 255 marihuana-landare aurkitu ditu Lemoan, etxebizitza batean sutea piztu ostean
Etxean bizi zen gizonak onartu du landareak bereak zirela, eta horregatik atxilotu dute osasun publikoaren aurkako delitu bat egotzita.
Askotariko proposamenak San Prudentzio eta Estibalizko Andra Mariaren jaietarako
Tradizioa, kultura eta musika uztartzen dituzten proposamenak prestatu dituzte adin guztietako jendearentzako. Apirilaren 24an, ostirala, hasiko dira jaiak, Probintzia Plazan egingo den pregoiarekin. Antonio Altarriba saiakeragile eta eleberrigileak egingo du aurten pregoia.
Negu Gorriak elkarteak manifestazioa deitu du larunbaterako, Aranzaditik etxegabeak kanporatu izana salatzeko
Udalak emandako erantzuna kritikatu du kolektiboak, "aldi baterako konponbideekin" arazoari ez zaiolako errotik heltzen. Etxegabeentzat "egiturazko neurriak" eskatu dituzte.
Gaurtik, eskaintza osasungarri eta jasangarria izan beharko dute Hego Euskal Herriko eskola-jantokiek
Hego Euskal Herriko eskoletan, jangelek aurrerantzean derrigorrez bete beharko dute elikadura osasungarria bermatu asmo duen legea. Besteak beste, fruta eta barazkien kontsumoa bermatuko da, eta proteinen eta janari frijituen maiztasuna murritu. Horrez gain ikastetxeetako vending makinetako produktuek ere mugak izango dituzte.
Burdineria korrosioak jota zegoelako erori zen El Bocaleko pasabidea, perituaren esanetan
Peritu judizialak azaldu duenez, loturetako batean izandako akatsak beste loturen gaineko karga handitu zuen, eta horrek lehen eta bigarren mailako habeen arteko lotura guztiek huts egitea eragin zuen, eta taula erorarazi. Gainera, ondorioztatu duenez, ez dago egituraren mantentze-planik egin den ebidentziarik.
Renfek Donostiako tren-zerbitzua indartuko du, Kopako finala dela eta
Larunbat goizaldean (02:10ean) Donostiatik tren berezi bat irtengo da, Sevillako Cartuja geltokira 10:40an iristeko. Itzulerako trena Atletico Madril eta Realaren arteko partida amaitu ondoren aterako da Gipuzkoako hiriburura.
Zumaian agertutako gorpua Eibarren desagertutako 60 urteko emakume batena da
Autopsiaren arabera, pasa den igandean Itzurun hondartzan agertutako gorpuak ez zuen kriminalitate zantzurik. Apirilaren 13an, emakumearen senide batek agertu barik zegoela salatu zuen Eibarko ertzain-etxean, hilaren 11tik haren berririk ez zuelako.
Bertan behera gelditu da Lapurdin isuri gutxiko eremua sortzeko egitasmoa, eta aurrerantzean ere ez da bereizgarririk beharko
Lehen Asanblea Nazionalak egin bezala, orain Senatuak bidea itxi dio Lapurdiko kostaldean isuri gutxiko eremua sortzeko neurriari. Frantziako Gobernuak proposatutako neurriari ultraeskuinak jarritako ebazpena aintzat hartu du Ganberak.
Emakume bat atxilotu dute Bilbon, bikotekidea barruan zela lonja bati su emateagatik
Hainbat lekukok ikusi dute gertatutakoa: atxilotuak Atxuri auzoko lonja horren barrura zerbait bota du, eta sua piztu da gero. Emakumearen bikotekidea zegoen barruan, eta Basurtuko Ospitalera eraman dute.
Zabalik da erregularizazioa online egiteko aukera, eta aurrez aurre egiteko hitzordua eska daiteke
Eskabidea telematikoki egin ahal izateko, beharrezkoa da ziurtagiri elektronikoa izatea edo gaitutako profesionalen zein Atzerritarren Laguntzaileen Erregistroan inskribatutako erakundeen bitartez egitea. Eskabidea aurrez aurre egiteko hitzordua eska daiteke dagoeneko, baina datorren astelehenean, apirilaren 20an, hasiko da prozesua, tramiterako gaitutako puntuetan.