Buñueleko bizilagunek Sanchezi ibaia garbitzea eskatu diote, uholde berriak saihesteko
Pedro Sanchez Espainiako gobernuburuak Nafarroa, Errioxa eta Aragoi bisitatu ditu gaur, uholdeek toki horietan eragindako kalteak bertatik bertara ikusteko.
Zehazki, Buñuel udalerrian izan da, aurrez Pradilla de Ebrotik (Aragoi) igaro ostean. Ondoren, Nafarroatik Alfarora (Errioxa) mugitu da.
Espainiako gobernuburuak Ebroren ur-goraldiak kaltetutako etxebizitzak bisitatu ditu. Bizilagun batzuek ibaia garbitzea eskatu diote, uholde berriak saihesteko.
Sanchez 16:00ak aldera heldu da Nafarroako herrira, eta kaleetatik oinez ibili da. Maria Chivite Nafarroako presidenteak, Jose Luis Arasti Espainiako Gobernuak Nafarroan duen ordezkariak eta Israel Jacoste Buñueleko alkateordeak lagundu dute. Era berean, Juan Carlos Zapico Foruzaingoko buruzagia, Jose Maria Borja Foru Erkidegoan Espainiako Poliziaren buruzagi nagusia eta Jose Santiago Martin Gomez Guardia Zibileko koronela bertan izan dira.
Foru Exekutiboak Estatutik heltzen diren diru-laguntzak urtea bukatu baino lehen osatuko dituela ziurtatu du Chivitek, baina ez du nola zehaztu.
Nafarroa hondamendi naturaleko eremu izendatuko dutela jakin eta biharamunean egingo du bisita Sanchezek. Aurreikuspenen arabera, ostiraleko Ministroen Kontseiluan hartuko du erabakia Espainiako Gobernuak.
Hain zuzen ere, gaur bertan egin dio Nafarroa hondamendi naturaleko eremu izendatzeko eskaera foru gobernuak Espainiako Gobernuari, gutun bidez.
Halaber, Nafarroako Gobernuak Ebroko Ur Konfederazioari (CHE) eta Kantauriko Ur Konfederazioari txostena eskatuko die uholdeen aurrean zein aurreikuspen eta jarduketa zituzten jakiteko, eta hobekuntzarik egin badaiteke egiteko.
Laborantzako 12.000 hektarea kaltetu dituzte uholdeek
Maria Chivite Nafarroako Gobernuko presidenteak adierazi duenez, lehen balorazio batean 12.000 hektarea inguru dira foru erkidegoan uholdeek kaltetutako hektareak. Hedabideei aurrean egin dituen adierazpenetan nabarmendu duenez, oraindik "goiz" da "balorazio zehatzagoa egiteko".
Chivitek ez du argitu Espainiako Gobernuak noiz deklaratuko duen Nafarroa hondamendi eremu: "guk biharko gobernu saiora eramango dugu eskaera, Espainiako Gobernuari eskatzeko, eta ostiralean iritsi daiteke; aste honetan, betiere".
Maria Chiviteren esanetan, astelehen honetan uholdeek kaltetutako 74 udalekin izandako bilera "ondo" joan zen, baina kexak ere izan ziren, batez ere Iruñerrirako egindako aurreikuspenak ez zirelako bete. "Osteguna izan zen Nafarroan azken 40 urteetan euri gehien egin zuen eguna, eta horrek CHEk berak egindako aurreikuspenak apur bat txikitu zituen", gehitu du Nafarroako presidenteak.
Uholdeek kaltetutako pertsonentzako telefonoa
Nafarroako Gobernuak telefono bidezko zerbitzua jarri du abian uholdeek kaltetutako pertsonei arreta eta aholkularitza emateko. Telefonoa (848427733) 08:00etatik 14:00etara egongo da erabilgarri.
Errepideen egoera
Hauek dira uholdeen eraginez oraindik Nafarroako errepide sare nagusian uholdeengatik eragozpenak dituzten errepideak:
- N-134 errepidea San Adrianen eta Tuteran
- N-113 errepidea Castejonen
- N-122 errepidea Faltzesen
- N-122 errepidea Carcarren
Zure interesekoa izan daiteke
Elkarretaratzea Gasteizen, azken eraso homofoboa gaitzesteko
Arabako Foru Aldundiaren tutoretzapean zeuden hiru gazte atxilotu zituzten, 16 eta 17 urteko bi gazte jipoitzeagatik eta iraintzeagatik. Gasteizko herritarrek babesa eta elkartasuna adierazi diete biktimei, eta horrelako jarrerak arbuiatu dituzten.
Donostiako Udala "jai-gune" bat prestatzen ari da Kopako finalaren egunean zaleak bildu ahal izateko
Jon Insausti alkateak aurreratu duenez, "epizentro txuri-urdina" izango dena antolatzeko lanean ari dira, eta hainbat kokaleku aztertzen ari dira, baina erabaki guztiak Realarekin koordinatuta hartuko dira.
Gizon bat atxilotu dute, Gasteizen, 130 km/h-ko abiaduran gidatu eta kokainan positibo emateagatik, seme-alabak autoan zihoazela
37 urteko gizonezkoak gasolindegi batetik ihes egin du, kilometro batzuk ausarkeriaz gidatu, gidabaimenik gabe, ibilgailuaren kontrola galdu eta aparkatutako auto batzuk jo dituen arte. Ondoren, agenteengandik ihes egiten saiatu da, atari batean babestuta.
Gasteizen eraso homofoboa egin zuen Aldundiaren tutoretzapeko adingabea kanporatzeko eskatuko du foru erakundeak
Duela urte erditik Arabako Foru Aldundiaren tutoretzapean dagoen adingabe bat da, eta aurretik ere erasoak egin izan ditu, baina ez homofoboak. Igande goizaldean egin zuen erasoa. Hiru mutil hurbildu zitzaizkien bi biktimei kalean, lurrera bota eta ostikoak eta ukabilkadak eman zizkieten, eta, bitartean, homosexual izateagatik iraintzen zituzten.
Ertzaintzak Basaurin erasoa gertatu eta gutxira identifikatu zituen Ekain Perrino jipoitzeagatik akusatutako guztiak
Epaiketaren bigarren egunean, 2021eko ekainaren 6an eraso homofoboa gertatu zen tokitik ihes egiten ari zirela auzipetuak aurkitu eta identifikatu zituzten ertzainek deklaratu dute.
Angulen legez kanpoko trafikoaren aurkako polizia operazioa, Aginagan
Guardia Zibilaren operazioa zabalik dago. Halaber, Eusko Jaurlaritzak 2025-26 denboraldian angula arrantzatzeko ezarritako debekuak indarrean jarraitzen du.
Abokatua eta aholkularitza debalde euskara-eskakizunen aurka egiteko, talde antolatu baten bidez
Argia aldizkariak argitaratu duenez, taldeak jendea bilatzen du lan-eskaintza publikoetara aurkezteko, interesik eduki ez arren, helegiteak aurkez ditzaten. ELA eta LAB sindikatuek gogor salatu dute plataformaren prozedura.
Auto-ilarak daude BI-631 errepidean, Mungia parean, Bilborako noranzkoan, hiru ibilgailuk talka egin baitute
Hainbat ibilgailuren arteko talka dela eta, auto-ilara luzeak daude Bilborako noranzkoan.
Bere buruaz beste egin zuen Sara Jimenez oroitu dute Cintruenigon
Haren familiak eskola-jazarpenarekin lotu du heriotza. Laguntza berandu iritsi zitzaiola salatu dute eta deia egin diote gizarteari antzerako kasuak ez gertatzeko lan egin dezan.
Telekomunikazioen eta telefoniaren alorra da kontsumitzaileen artean erreklamazio gehien eragiten dituena
Bigarren postuan bankuen sektorea dago, eta hirugarren lekuan energia- eta ur-hornidurarekin lotutako kexak daude. EAEko kontsumo erreklamazioen erdiak online egindako erosketetan sortu dira.