Cabacas auzian epaitutako bost ertzaini zabaldutako espedienteak artxibatu dituzte
Iñigo Cabacas auzian epaitutako sei ertzainetatik bosti zabaldutako diziplinazko espedienteak artxibatu dituzte, horien artean zigortu zuten ertzain bakarra dago. Gaztea 2012an hil zen, Ertzaintzak jaurtitako gomazko pilota batek buruan jo ostean.
Dagoeneko bost agenteak Ertzaintzako kide ez direlako artxibatu dute ikerketa, Josu Erkoreka Segurtasun sailburuak jakitera eman duenez. Erkorekak agerraldia egin du Eusko Legebiltzarrean, EH Bilduk eskatuta.
Julen Arzuaga EH Bilduko legebiltzarkidearen ustez, barne ikerketa modu honetan bukatzea "etsigarria" eta "zantarra" da.
Zabalik dagoen diziplinazko espediente bakarra Cabacas auzian absolbitutako bost ertzainetako batena da; izan ere, lanean jarraitzen duen auzipetutako ertzain bakarra da, Segurtasun sailburuak erantsi duenez.
Nahiz eta barne ikerketa zuzentzen ari diren funtzionarioen lana "oztopatu" nahi ez, ertzain horren jokabidean Ertzaintzako araudiaren urraketarik aurkitzea "oso zail" egiten zaiola azaldu du sailburuak. Nagusien "aginduak betetzera" mugatu zela azpimarratu du Erkorekak.
Iragan abendu amaieran Auzitegi Gorenak bi urteko espetxe-zigorra eta lau urteko inhabilitazioa berretsi zion Ertzaintzako buruzagiari, baina apirilean Bizkaiko Auzitegiak zigorra bertan behera utzi zuen, eta ez zen kartzelan sartu.
Esan bezala, sei ertzain epaitu zituzten, eta bat soilik zigortu zuten, dispositiboan maila gorena zuena, hain zuzen ere.
Iñigo Cabacas 2021ko apirilaren 9an hil zen, lau egun lehenago Ertzaintzaren gomazko pilota batek buruan jo ondoren, Bilboko Maria Diaz de Haro kalean, Athleticen partida bat San Mamesen bukatu eta handik gutxira.
Epai irmoaren berri izan ondoren, Ertzaintzak barne ikerketari berriro heldu zion; izan ere, legeak eragozten du prozedura judizialean zehar aurrera eramatea. Barne ikerketa ixteko zorian dagoela aurreratu du sailburuak.
Ertzainen aurkako diziplinazko neurriak eskatu ditu Arzuagak. Zentzu horretan, Ertzaintzako buruzagi zigortuak baja eman zuela gogorarazi du Erkorekak. Beraz, jadanik funtzionarioa ez denez ezin zaio diziplinazko erantzukizunik eskatu, sailburuak gaineratu duenez.
Epaitutako gainerako bost ertzainei dagokionez, lau bajan daude lanerako ezintasunagatik. Aurrekoaren arrazoi berdina argudiatuta espedienteak artxibatu zaizkiela esan du sailburuak.
Erkorekak onartu duenez, egun hartan Ertzaintzak izandako jokabidea "inork" ez du bere osotasunean defendatu. Sailburuaren ahotan, "mundu guztia" ohartu zen, dagoeneko "hobetu diren" gauzak zuzendu behar zirela.
Gainera, 2013tik istiluen aurkako material hori ez da erabili, eta horrelako gertakari bat berriz ez errepikatzeko lan egin behar da, nabarmendu duenez.
EH Bilduko ordezkariak, ostera, azalpenak eta barne ikerketaren artxiboa deitoratu ditu, sententzia judizialaz gain Cabacasen familiak diziplinaren bidetik kalte-ordaina behar duelako.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.