Txillardegiren heriotzaren 10. urteurrenean, Udal Liburutegiari haren izena jartzeko eskaera berretsi dute
Jose Luis Alvarez Enparantza, Txillardegi, hizkuntzalari, idazle eta politikaria hil zela 10 urte bete direnean, omenaldia egin diote gaur Donostian, eta Udal Liburutegiari bere izena jartzeko eskaera berretsi dute.
Antigua auzoan Txillardegik duen horma-irudiaren aurrean izan da omenaldia, eta bertan egin dio eskaera Gipuzkoako hiriburuko Udalari Txillardegi Liburutegia Herri Ekimenak.
Elkartearen presidenteak, Fito Rodriguez idazleak, adierazi du euskal erakundeak zorretan direla euskaltzalearekin, eta horregatik eusten diotela, 10 urteren ostean, bere garaian hainbat idazlek egindako eskaerari.
Horren harira, Rodriguezek jakinarazi du kultura arloko pertsonen 1.500 sinadura bildu dituztela Udalari aurkezteko, ekimena blokeatuta duela uste baitute.
Txillardegi Liburutegia Herri Ekimenaren ordezkariak gogorarazi du euskaltzaleak oraindik ez duela aitortza ofizialik jaso bere jaioterrian, Donostian, baina Oñatin, adibidez, Udalak aho batez erabakita, xafla bat eskaini diotela Arantzazun euskara batuari egindako ekarpenagatik.
Dena den, eta erakundeen aldetik nahikoa babes ez duela jaso azpimarratu arren, Txillardegik herri-aitortza baduela esan du Rodriguezek, eta agerian geratu dela hori egunotan San Telmon egin dituzten jardunaldietan.
Zure interesekoa izan daiteke
Los Gallardoseko sutean aurkitu ezinda dauden 23 pertsonen bila jarraitzen dute Almerian
Meteorologiak emandako "zirrikitua" baliatzen ari dira suaren kontrako borrokan ari direnak. Garrek 6.600 hektarea kiskali dituzte dagoeneko.
Gizon bat atxilotu dute Santutxuko meskita batean pintaketak egiteagatik, gorroto-delitua egotzita
Gertakariak 09:30ean jazo dira. Ertzaintzak abisu bat jaso du, ohartaraziz pertsona bat pintaketak egiten ari zela komunitate musulmanaren aurkako gorroto-adierazpenekin.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Emakume batek sexu erasoa salatu du bart sanferminetan
Ustezko erasotzailea atxilotuta dago. Gainera, beste hiru salaketa izan dira, ukituengatik. Horietako baten ustezko egilea atxilotu eta espetxera bidali dute, aurrekariak baitzituen. Iruñeko Udalak eraso sexistak gaitzetsi ditu.
Iruñea, jendez lepo, sanferminetako asteburu bakarrean
Txoko guztietako bisitariak bildu ditu sanfermin hauetako asteburu bakarrak. Ostalariek ere jende gehiago nabaritzen dute. Edonola ere, azken urteetan, bisitari gutxixeago etorri den irudipena dute batzuek. Aurtengo sanferminak itogarriak izaten ari dira, ia 40 ºC ingururekin egunero.
Aisialdi zentro bateko begirale batek egindako sexu-erasoak salatu dituzte Tarnosen
Elkarretaratzea egin dute Landetako Tarnos herrian, aisialdi zentroko begirale batek egindako sexu erasoak salatzeko. Sei haur txiki izan dira biktimak, eta beraiei baita familiei ere elkartasuna erakutsi nahi izan diete. Begiralea atxilotu dute, sexu erasoak leporatuta.
Kamioiek Gasteiz hartu dute San Kristobal egunean, ibilgailuak bedeinkatzeko
San Kristobal jaiak Arabako Garraio Elkarteko garraiolariak bildu ditu larunbat honetan. Ekitaldian, kamioien ohiko desfilea eta ibilgailuen bedeinkapena izan dira protagonista. Horrela eman diete amaiera auzoko ospakizunei.
Zuiako Udalak ur mozketak egingo ditu gauez hornidura bermatzeko
Mozketa 22:00etatik 08:00etara dago indarrean, atzotik. Gainera, udal igerilekuetako dutxak erabiltzea debekatuta egongo da aurrerantzean.
Beroagatik ezarritako alerta abisu horira jaitsi dute EAEn; Nafarroa erdialdean eta Iparraldean alerta mailari eutsiko diote
Arabak alertapean jarraituko du baso sute arriskuagatik. Abisu maila gorabehera, sargori egiten jarraituko du: maximoak 30 ºC-koak izango dira kostaldean, eta 37-38 ºC-koak, barnealdean. Astelehenean behera egingo dute tenperaturek.
Ezkaraiko sutea egonkortu dute, 115 hektarea inguru kiskali ostean
Dirudienez, Ayabarrena herrixkako sutea ostegunean piztu zen, ekaitzean botatako tximista baten eraginez.