Elizan izandako abusuen ikerketa Herriaren Defendatzaileak zuzentzea proposatu du PSOEk
Eliza katolikoaren baitan adingabeei egindako sexu abusuak ikertzeko lana Herriaren Defendatzaileak zuzentzea nahi du PSOEk, eta horren aldeko ez legezko proposamena aurkeztu du gaur Kongresuan. Pedro Sanchez Espainiako gobernuburuak Carmen Calvo diputatu sozialistari eskatu dio proposamen horren defentsa egiteko eta gainerako taldeekin negoziatzeko. Unidas Podemos gobernuko bazkidea hitz egiteko prest azaldu da, eta EAJk ikerketa aditu talde independente baten esku uztearen alde egin du.
Sozialisten proposamenaren arabera, Angel Gabilondo Herriaren defendatzaileak beharko luke ikerketaren buru, erakunde horrek izendatutako adituen talde baten, Elizako kideen eta biktimen ordezkariekin batera.
Gainerako talde parlamentarioek bere eredua babestuko dutelakoan dago PSOE. Dena dela, gogoan hartu behar da Unidas Podemosek, EH Bilduk eta ERCk Kongresuan ikerketa batzorde bat eratzeko proposamena egin zutela, eta EAJk adituen talde independente baten esku uzteko eskatu duela.
Hector Gomez PSOEren bozeramaileak azaldu duenez, euren helburua da ikerketa batzordea "lehenbailehen" martxan jartzea eta legegintzaldia amaitu baino lehen ondorioak mahai gainean edukitzea. Gomezen hitzetan, Unidas Podemosek ondo hartu du euren proposamena. Carmen Calvok Angel Gabilondoren profila goraipatu du zereginerako: etikan katedraduna da eta gaztaroan fraidea izan zen.
Bien bitartean, EAJk beste ez legezko proposamen bat aurkeztu du Kongresuan. Euren asmoa da aditu independente talde batek aztertzea auzia, eta bere ondorioak urtebeteko epean aurkeztea.
Jeltzaleen iritzian, batzorde independentea osatzea da "egokiena", adituak "erakundeetako diatriba politikotik urrun" baitaude, baina azpimarratu dute Kongresuak ere "parte hartze aktiboa" izan behar duela prozesu guztian.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.