Bost delituetatik bat internet bidez egiten da
Josu Erkoreka lehen lehendakariorde eta Eusko Jaurlaritzako Segurtasun sailburuak 2021eko delituen balantzea egin du. Segurtasun Sailak zabaldutako datuen arabera, jarduera kriminalak % 10,28 egin zuen gora Euskal Autonomia Erkidegoan iaz, 2020ko datuekin alderatuta. Azken urtean igoera izan bada ere, pandemia aurreko urtearekin (2019) konparatuz gero % 10,25 delitu gutxiago erregistratu dira.
Erkorekak adierazi duenez, Ertzaintzak ikertzen dituen bost delituetatik bat internet bidez egiten da, eta EAEn ikertzen diren delitu informatiko guztien % 89 ziberiruzurrak dira.
Bestalde, Josu Erkorekak Ertzaintzaren eraginkortasuna nabarmendu du eta adibide gisa jarri du iaz EAEn burututako 10 hilketak (2 Araban, 5 Bizkaian eta 3 Gipuzkoan) argitu dituela.
Delitu motak
Homizidioak: 2021ean EAEn burututako 10 hilketetatik hiru emakumeen kontrako indarkeria kasuak izan ziren. Aldez aurretik pentsatutako kasu batzuk salbu, orokorrean dolozko homizidioak aurrez prestatu gabe, bat-batean gertatzen dira Ertzaintzaren arabera.
Emakumeen kontrako etxeko indarkeria: 5.430 kasu erregistratu ziren, aurreko urtean bezalatsu.
Sexu-askatasunaren kontrako delituak: 2021ean gora egin zuten sexu-askatasunaren kontrako delitu penalek (694 kasu, 174 kasu gehiago, % 33,4 gehiago). Horien artean, modu nabarmenean gora egin zuten sexu-erasoek (186 gertatu ziren, % 30 gehiago). Gisa horretako delitu gehienetan biktima eta erasotzailea ezagunak dira.
Ziberdelinkuentzia: 2021an delitu mota horrek behera egin badu ere, oraindik ere kopuru esanguratsua da. Guztira, internet bidez egindako 14.338 iruzur zenbatu dira, EAEn ikertutako delitu informatiko guztien % 89. Halaber, askatasunaren kontrako 651 delitu hauteman dira internet bidez (mehatxuak, derrigortzeak, etab.).
Ondarearen aurkako delituak: Indarkeria eta beldurra erabiliz egindako lapurretak pandemia aurreko mailara itzuli dira, baina etxebizitzetako lapurretek 2019koen azpitik jarraitzen dute (% 25,9 gutxiago). Era berean, enpresetan, merkataritza-establezimenduetan eta leku itxietan egindako lapurretak pandemia aurreko zifren oso behetik daude.
Ingurumenaren aurkako delituak: Egonkor mantendu dira. 2021ean aurreko urtean baino 8 arau-hauste penal gehiago erregistratu ziren. Kopuruz ugarienak baliabide naturalekin eta ingurumenarekin lotutakoak (46 kasu) eta animalien kontrako tratu txarrak (73 kasu) dira.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.