Hezkuntza eta Osasun sailak bihar bilduko dira jolastokietan maskararen erabileraz erabakitzeko
Jokin Bildarratz Hezkuntza sailburuak iragarri duenez, Hezkuntza eta Osasun sailak bihar, ostegunarekin, bilduko dira eskoletako jolastokietan maskararen erabileraz erabakitzeko. Espainiako Gobernuak araudia aldatu du, eta bihartik aurrera ez da nahitaezkoa izango aire librean zein jolastokietan.
Sailburuak azaldu du dekretua aztertu behar dutela, baita osasun egoera Euskadin izaten ari den "bilakaera ona" ere. "Malgutu dezakegun guztia malgutuko dugu, betiere osasun irizpideei jarraituta", erantsi du.
Koronabirusak ikastetxeetan duen eraginari buruz ere galdetu diote Onda Vasca irrati kateari eskainitako elkarrizketan. Sailburuak esan du 10 ikasgela baino gutxiago daudela itxita, eta etxean isolatuta dauden haurren kopuruak behera egin duela "nabarmen" azken egunetan, gizartean jazotzen ari den legez. Urtarrileko protokolo aldaketa ere defendatu du, aurrez aurreko eskolei eusteko giltzarri izan delako. "Aurrez aurreko hezkuntzak ikasleriaren alderdi emozionala zaintzen du eta familiei eta ekonomiari egonkortasuna ematen die", arrazoitu du.
Hezkuntza lege berria egiteko atzo Eusko Legebiltzarrean aurkeztutako dokumentua ahotan, Bildarratzek aitortu du testu "garrantzitsua" dela, baina ez dela esku artean izango duten bakarra. Izan ere, hilabeteak daramatza agente ezberdinekin biltzen eta euren eskakizun eta beharrak entzuten —500 lagun ingururekin batzartu da— eta bildutako ekarpen guztiekin Jaurlaritzak testu artikulatua osatuko duela udazkenerako, Legebiltzarrak berriro azter dezan.
"Atzo sumatu nuen kontu positiboena izan zen Legebiltzarraren gehiengoak, % 80k, ondo ikusi zuela testua, eta horrek batu egiten du, eta hori oso garrantzitsua da Hezkuntza bezalako gai garrantzitsu bati buruz ari garenean", azpimarratu du.
Bildarratzen hitzetan, "bikaintasuna eta ekitatea" izango dira lege berriaren ardatzetako bi, eta ohartarazi duenez, azkenenegoaren inguruan, "hori onartzeko prest ez dagoena argazkitik kanpo geratuko da". Nolanahi ere, ez du argitu "argazkian ez ateratze horrek" laguntzarik gabe geratzea ekarriko duen.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.