Barrualdeetan "laster" maskara erabiltzea ez dela derrigorrezkoa izango esan du Sanchezek
Covid-19aren kontra Hego Euskal Herrian indarrean dagoen neurri murriztaile bakanetakoa da leku itxietan maskara erabiltzeko derrigortasuna, eta hori ere, laster altxatuko dute. Hala iradoki du Pedro Sanchez Espainiako Gobernuko presidenteak, Madrilen egin duten PSOEren Batzorde Federalean.
Pandemiaren aurrean herritarrek erakutsi duten "jarrera bikaina" azpimarratu du buruzagi sozialistak, eta horren erakusle "txertatuen kopuru handia" jarri du, besteak beste. Espainiak Europako "kutsatuen intzidentzia metatu baxuena" duela ere esan du. Datu horiek kotuan hartuta, Sanchezen hitzetan, leku itxietan "laster" ez da beharrezkoa izango musukoa erabiltzea. "Hori bai, Osasun Ministerioak hala erabakitzen duenean sartuko da indarrean neurria", esan du.
Martxoaren 10erako du deituta bilera Estatuko Osasun Batzordeak, eta pandemiaren egoera aztertuko dute.
Ildo berean mintzatu da asteon Maria Chivite Nafarroako presidentea ere. ETBn egindako elkarrizketa batean, buruzagi nafarrak esan zuen " martxoko lehen hamabostaldian, bilakaera epidemiologiko positiboa ikusita, musukoak kendu ahal izatea espero eta nahi" duela.
Ipar Euskal Herrian, berriz, datorren martxoaren 14tik aurrera, musukoa barrualdean erabiltzeko baldintzak arindu egingo dituzte, eta erremu publiko gehienetan sartzeko ez dute covid ziurtagirik eskatuko. Garraio publikoetan soilik izango da derrigorrezkoa maskara erabiltzea.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.