Sagarduiren ahotan, pandemiaren ondorioz minbizia duten pazienteen bizi-itxaropena "okertzea posible" da
Covid-19 pandemiaren eraginez datozen urteetan minbizia duten pazienteen bizi-itxaropena "nolabait okertzea posible" dela adierazi du Gotzone Sagardui Eusko Jaurlaritzako Osasun sailburuak, baina oraindik ere baieztatzeke dagoela azpimarratu du.
Sagarduik Eusko Legebiltzarreko Osasun Batzordean agerraldia egin du, EH Bilduk eskatuta, Euskadiko Plan Onkologikoaren (2018-2023) inguruan hitz egiteko.
Covid-19aren pandemiak minbizi mota ezberdinen baheketa programetan eragin dituen "interferentzia handiengatik" kezka azaldu du Rebeka Ubera EH Bilduko legebiltzarkideak, eta arlo horretan galdutako denbora berreskuratzeko neurriak eskatu ditu.
Gainera, itxarote-zerrenden egoera alde batera utzita, paziente onkologikoak tratatzeko orduan Osakidetzak egiten duen "hanka-sartzerik handiena", gaixoei ematen zaien arretaren "humanizazioa" da, erantsi du Uberak.
Plan onkologikoaren egoera aztertzeaz gain, Sagarduik egitasmoa egin ondoren "bat-batean" jazo ziren beste bi egoera gogora ekarri ditu: koronabirus pandemia eta Amancio Ortega Fundazioak Osakidetzari dohaintzan emaniko protonterapia ekipoa.
Pandemiari dagokionez, "mundu mailan, datozen urteetan pandemiak" minbizia duten pazienteen bizi-itxaropena "nolabait okertzea posible da", onartu du sailburuak.
Hala ere, baieztatzeke edo egiaztatzeke dagoela nabarmendu du. Horrela, 2020an eta 2021ean, kolektiboaren hilkortasun tasan "beherakada esanguratsua" eman zela jakinarazi du Sagarduik.
Covid-19 pandemia hasi zenetik, Osakidetzan tumore batzorde "guztien" jarduera mantendu dela azpimarratu du sailburuak.
Gainera, jarduera kirurgikoaren esparruan, larrialdiei lehentasuna eman diete, baina "posible izan den neurrian" kirurgia onkologikoa mantendu dutela nabarmendu du, pandemiaren unerik okerrenetan ZIUen okupazio maila handiari egokituz.
Erradioterapia zerbitzuen "erabateko berrantolaketa" egin behar izan dutela onartu du sailburuak, covid-19aren aurrean paziente onkologikoen babesa bermatzeko.
Protonterapia zerbitzua
Bestalde, Osakidetzaren protonterapia proiektua hizpide izan du Sagarduik. Zentzu horretan, Amancio Ortea Fundazioak dohaintzan emandako ekipoari esker protonterapia zerbitzua "espero baino lehen" eskaintzea posible izango dela nabarmendu du sailburuak.
Horregatik, nahiz eta Osakidetzak "limosnarik" behar ez duela argi utzi, laguntza "albiste ona" dela onartu du Sagarduik.
Sailburuak azaldu duenez, protonterapiak tumore batzuk "zehaztasun handiz" tratatzeko aukera ematen du. Tratamendu onkologikoen etorkizuna "terapia mota horien" esku egongo dela gaineratu du.
Zure interesekoa izan daiteke
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.