Horrelakoa izango da etorkizuneko Bilbo, 15.314 etxebizitza berrirekin
Mikel Ocio Bilboko Udaleko Hiri-antolamendu zuzendariak egitasmo orokorraren azken aldaketen berri eman du asteazken honetan, batzorde informatiboan. Bilboko Udalak Hiri-antolamendu Egitasmo Orokorra martxoaren 31n onartuko du, hamarkada bateko tramitazioaren ostean.
Planak 2020ko abenduaren 18an behin-behineko onarpena jaso zuen, 2021eko bukaeran behin betiko onartzeko asmoz.
1995etik indarrean dagoen plana ordezkatu behar duen egitasmoak lurzoru naturalaren babesa aitortzen du, urbanizatzea mugatuz. Horrela, lurzoru ez-hiritarrak 2.375 hektarea izango ditu.
Bestalde, plan berriak etxebizitza eskaerari erantzuna ematen dio, baina araudiak baimendutako gaitasuna agortu barik. Horrela, 15.314 etxebizitza berri inguru eraikitzea aurreikusten du.
Egitasmoak ez du biztanleriaren hazkunderik planteatzen, eta Bilboko bizilagunak finkatzeko helburua du, 345.000-350.000 bilbotar inguru.
Gainera, Euskadin indarrean dagoen legediak ezarritako estandarra baino babeseko etxebizitza portzentaje handiagoa aurreikusten du planak.
Horrela, babes sozialeko etxeak eta etxebizitza tasatuak % 45,67 izango dira, legez derrigorrezkoa gutxienez % 40 denean.
Etxebizitzak eraikitzeko planteamendua "zabalgune berririk" gabe egiten da. Espazio libreak 318,75 hektarea izango ditu, horietatik 157,7 hektarea hiri-lurrean eta beste 161 hektarea lurzoru ez-hiritarrean. Tokiko espazio libreentzako 125,49 hektarea gordeko ditu Udalak.
Azkenik, garraio arloan zenbait ekintza aurreikusten ditu dokumentuak: AHT Abandora heltzea, hegoaldeko tren saihesbidea, ekialdeko saihesbidea ixtea (Mirafloresetik Ibarsusira), Rekaldeko saihesbidea ezabatzea, Zorrotzan Feve eta Olabeagan Renfe lurperatzea eta trenbide-pasaguneak kentzea.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.