Haizeak eta tenperatura altuek baso sute arriskua areagotuko dute astelehenean
Eusko Jaurlaritzako Larrialdi eta Meteorologia Zuzendaritzak abisu horia indarrean jarriko du datorren astelehenean baso sute arriskuagatik. Haizearen ezaugarriek eta tenperatura altuek arriskua areagotuko dute.
Ohar batean jakitera eman dutenez, baso sute arriskua bereziki handia izango da isurialde atlantikoan. Abisua 00:00etatik 24:00etara egongo da indarrean.
Gainera, egun berean beste abisu hori bat izango da haizeagatik 12:00etara arte. Haizeguneetan hego-ekialdeko ufadek 100 kilometroko orduko abiadura gaindituko dute, batez ere ekialdeko mendialdeetan.
Era berean, abisu horia indarrean egongo da astelehen eguerdira arte, haizeguneak ez diren tokietan. Araban eta Gipuzkoan hego-ekialdeko haize-ufadek 80 kilometro orduko abiadura gainditu dezakete, batez ere ekialdean. Bizkaiko zokoetan 60-80 kilometroko ufadak izango dira.
3 metro baino gehiagoko olatuak
Bestalde, Eusko Jaurlaritzako Larrialdi eta Meteorologia Zuzendaritzak abisu horia ezarri du ostiral eta larunbat honetan olatuengatik, Segurtasun Sailak jakitera eman duenez. Hiru metro baino gehiagoko olatuak espero dira. Ostiral honetan 15:00etatik 24:00etara egongo da indarrean.
Larunbatean berriro aktibatuko da 00:00etatik 03:00etara.
Goizaldean, olatuen altuera adierazgarria 3,5 metrokoa izango da, goizean indarra galduko dute 2,5 metrora. Ipar-mendebaldeko hondoko itsasoak 2,5 metro inguruko olatuak altxatuko ditu goizaldean, eta goizean zehar 1,5-2 metrora jaitsiko dira.
Haizeak ipar-mendebaldetik joko du 3ko indarrarekin, nahiz eta goizaldean noizbait 4ko indarrarekin astindu. Goizaldean itsaskia eta itsaskirria eragingo ditu.
Zure interesekoa izan daiteke
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.
Ane Lindane komikoa epaituko dute, eskarnioa egotzita, Abogados Cristianos fundazioak salatu egin baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzen ari zen itxura egin zuen eta. Bilboko Instantzia Auzitegiak epaituko du euskal komikoa.
Gizon bat atxilotu dute Irungo prostituzio-etxe batean ustez sexu-erasoa egiteagatik
Erasotzaileak, 12.000 euro eskudirutan zeramatzanak, biktima atxiki eta laguntza ematera joan zitzaion beste emakume bat jo zuen.
Adin txikiko baten irudiarekin lagun bati estortsioa egiteagatik bi pertsona atxilotu dituzte Iruñean
Mehatxu eginez ia 50 mila euro lortu zituzten. Estortsioa jasan zuen gizasemeak berak aurkeztu zuen salaketa, eta horren ostean atxilotu dituzte 31 urteko gizona eta 29 urteko emakumea.
Juan Mari Aburto: "Ekitaldien alkatea baino, nahiago nuke igogailuen alkate gisa oroitu nazaten"
Radio Euskadin egindako adierazpenetan, Juan Mari Aburto Bilboko alkateak adierazi du Aste Nagusiaren hirugarren egunean zortzi lagun atxilotutu dituztela eta 48 salaketa jarri direla, iazko epe berean baino kopuru txikiagoak. Halaber, azaldu du bere agintaldian Bilbon ekitaldi handiak antolatu diren arren, "igogailuen alkate" gisa oroitzea gustatuko litzaiokeela, hori herritarren bizi-kalitatea hobetzen lagundu izanaren aitorpena baita.
Zortzi atxilotu eta 55 kilo janari konfiskatu dituzte Bilboko Aste Nagusiko hirugarren egunean
Jai-esparruaren barruan, lau pertsona atxilotu dituzte ebasketagatik, bi iruzurragatik eta zazpigarren bat erresistentziagatik. Jai-eremutik kanpo pertsona bat atxilotu dute, epailearen aginduz.
Ekaitz bortitz batek ia 90 litro utzi ditu metro koadroko hiru orduan Tarragonan
Suhiltzaileek 491 intzidentzia artatu dituzte denboraleagatik Katalunian, eta gorabehera handienak Tarragonan izan dira (434 jarduketa). Azken datuen arabera, 30 zauritu izan dira, eta horietatik lau erietxera eraman dituzte.