Zenbait manifestaziok Ukrainako gerraren aurreko "intsumisiorako" deia egin dute, Hego Euskal Herrian
Manifestazio antimilitaristak egin dituzte larunbat honetan Hegoaldeko hiriburuetan. Ukrainako gerraren aurrean, "intsumisiorako" deia egin dute, eta ukrainar eta errusiar desertore eta iheslariei aterpea ematearen alde egin dute.
Nafarroako hiriburuaren kasuan, mobilizazioa 18:00ak pasata atera da Gaztelu Plazatik, 'Intsumisioa gerrei' lelopeko pankartaren atzean. Intsumisioaren parkean amaitu da, Iruñeako kartzela zaharra zegoen orubean.
Bertan, Aitor Balbas intsumisoak eta Argiñe Salanueva mugimendu antimilitaristako kideak adierazpena irakurri dute. Errusiaren inbasioa etetea, ukrainar eskualdeetako gutxiengoei errespetua, NATOk armak eta tropak bidaltzeari uzteko eta "sarraskian parte hartzeari uko egiten dioten" ukrainar eta errusiar desertoreen aterpe eskaerak onartzeko eskatu dute.
Era berean, elkartasuna adierazi diete "Ukrainan eta Errusian borroka bide odolgabeekin auto antolatzen direnei, desobedientzia zibila eta indarkeria eza prakikatzen dutenei, eta gerraren aurka azaltzeagatik errepresioa jasaten dutenei". Gainera, "Europa mailako babes sarea" sortzeko deia egin dute, "Ukrainako gerraren aurrean desobedientzia egiten dutenentzat".
Iragarri dutenez, "Espainiako eta Europako legeak desobedituko ditugu, gure etxeetan desertore errusiar eta ukrainarrak jasotzeko".
"Ez ezazue gure babesik espero gerra honetan", gaineratu dute, "gora intsumisioa, gora desertzioa" esanez bukatzeko.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.