Euskadik Estatuko araudia onartu arte itxarongo du ikastetxeetan musukoak kendu ala ez erabakitzeko
Barrualdean, esparru gehienetan, musukoaren erabilera kenduko duen araudiari itxarotea erabaki du Eusko Jaurlaritzak, Aste Santuko oporralditik bueltan Euskadiko hezkuntza zentroetan maskara kendu ala ez erabakitzeko.
Ministroen Kontseiluak araudia onartuko du datorren asteartean, eta biharamunean sartuko da indarrean, apirilaren 20an. Egun horretatik aurrera musukoak derrigorrezkoa izateari utziko dio barrualdean, osasun zentroetan eta garraio publikoan salbu.
Nahiz eta Carolina Darias Osasun ministroak ikastetxeetan maskarak jantzi beharko ez direla argi utzi, Hezkuntza Saileko iturriek jakitera eman dutenez, egoera Osasun Sailarekin batera aztertzen ari dira, eta Aste Santuko oporretatik bueltan nola ekin azalduko diete zentroei, Estatuko arauaren xehetasunak ezagutu ondoren.
Euskal Autonomia Erkidegoan, ikasle gehienak apirilaren 25ean itzuliko dira eskolara, baina Araban apirilaren 28an San Prudentzio ospatzen denez, ikastetxe askok atsedenaldia maiatzaren 1era are luzatuko dute, eta ateak berriz zabalduko dituzte biharamunean, maiatzaren 2an, alegia.
Katalunian, aldiz, neurriak zehaztu dituzte erakundeek dagoeneko. Zentzu horretan, Generalitateak ebazpen bat argitaratuko du ostegun honetan, apirilaren 19an Lehen eta Bigarren Hezkuntzako zentroetatik musukoa kentzeko, Estatuko araudia indarrean sartu baino egun bat lehenago.
Osakidetzaren zirkularra
Estatuko araudiaren zain, Osakidetzak ikastetxeei eta institutuei zirkularra bidali die. Gogorarazi duenez, pandemia "trantsizio" fase batean sartu da, "immunitate maila handiagatik". Orain zaintza eta arreta pertsona zaurgarrietan (60 urtez gorakoak, haurdunak eta immunodepresioa duten pertsonak) jarri dute.
Osakidetzak zehaztu duenez, hezkuntza zentroak "ez dira esparru zaurgarriak"; ondorioz, ez dute "salbuespen neurririk" aplikatuko, besteak beste, baheketak.
Horrela, covid-19 sintomak dituen edo proba diagnostiko batean positibo eman duen ikasle batek ez du "isolamendu zorrotzik" bete beharko, baina "beste prozesu eta arnas gaixotasunetan bezalaxe" ez da eskolara joango "sintoma biziak" dituen bitartean.
Sintomak baldin badituzte, ondorengo 10 egunetan zehar prebentzio neurriak areagotzeko gomendioa eman du Osakidetzak, maskara etengabe eta "zorrotz" erabiliz, eskuak garbituz, zaurgarriekin harremana saihestuz eta ekitaldi jendetsuetan ez parte hartuz.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.