Euskal Herrira iritsi da Txernobyl elkarteko haurrez osatutako lehen autobusa
Txernobyl elkartearen harrera programako adingabez osatutako lehen autobusa Poloniatik Bilbora iritsi da gauerdi aldera. 56 pertsona zihoazen, guztira, autobusean; horietako 41, amekin eta amonekin bidaiatu duten adingabeak.
Txernobyl elkarteko autobusa ostegunean abiatu zen Katowicetik (Polonia), eta gauerdia pasata iritsi da Bizkaiko hiriburura.
Haurrak eta senitartekoak "nekatuta" iritsi dira, baina "pozik eta ilusioz beteta". Elkarteko bozeramaileek adierazi duetenez, "udan jasotzen ditugun haur guztiek ez dute etorri nahi izan. Batzuek nahiago izan dute gelditu, eta euren herrialdeko eremu seguruagoetara lekualdatu".
Hala ere, azken udarak euskal familiekin eman dituzten 15 haur iritsi dira autobusean, senitartekoekin Ukrainara iritsitakoak; neba-arreba adingabeak, amak eta amonak, gehienak.
Baliabiderik gabeko familietako adingabeak dira, erradiazio nuklearrak kutsatutako inguruneetan bizi direnak. Kieven eta Txernobylgo esklusio eremuaren artean blokeatuta zeuden.
Hurrengo egunetan, Txernobyl elkarteko konboi gehiago aterako dira bertatik, Euskal Herrira bidean.
Elkartearen arabera, "errusiar inbasioak eta Ukrainako borroka armatuak eragiten duten ziurgabetasunak behartu" egiten ditu "hala nahi duten familiei laguntzera, herrialdea utzi eta toki seguru batean egon daitezen".
Anna eta Faina ere Bilbora iritsi dira
Mikel Ayestaranek Anna eta Faina elkarrizketatu ditu berriki, EITB Mediako albistegietan. Uda Euskal Herrian ematen duten haurrak dira; Oñatin eta Getxon, hurrenez hurren.
Horiek ere Bilbora iritsi dira larunbat honetan, Txernobyl elkarteko autobusean.
Anna 13 urteko neskato ukrainarra da. 6 urte zituenetik, Oñatira (Gipuzkoa) joan da urtero oporretan, eta azken bisita Gabonetan egin zuen. Edonola ere, Errusia Ukraina inbaditzen hasi zenetik, haren familia euskalduna atsekabetuta eta kezkatuta bizi izan da. Mikel Ayestaranek onik topatu zuen.
Errusiarrek bere etxe ingurutik atera ondoren Kievera ihes egin zuen Fainak, Getxoko familiari bizirik zegoela jakinarazteko. Virginia Uriguenek, Faina Bratunetsen Getxoko amak, neskatoa Getxora itzultzeko desiratzen zegoela kontatu zion ETBri.
Zure interesekoa izan daiteke
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bakion ostiraletik desagertuta dagoen 14 urteko neska baten bila ari dira
VOST Euskadik 14 urteko Olaiaren desagerpenaren berri zabaldu du. Adingabea uztailaren 31n ikusi zuten azkenekoz Bakion, eta baliteke Bilborako autobusa hartu izana. Haren inguruko informaziorik duenak 112ra deitzeko eskatu dute.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.