Kantabriatik Bizkairako pilaketak amaituta, normaltasuna da nagusi euskal errepideetan
Gaur Pazko astelehena izaki, askorentzat azken opor eguna da eta ohi baino auto gehiago dabiltza Euskal Herriko errepideetan. Halere, iluntzearekin batera konpondu dira arratsaldean zehar sortu diren arazoak, eta normaltasuna erabatekoa da euskal errepide sarean.
Arratsaldean, 12 kilometrorainoko auto-ilarak sortu dira Kantabrian, Liendo eta Beranga artean, Bizkaiko noranzkoan.
Zauriturik utzi ez duten arren, inguru horretan izan diren bi istripuk, berez astuna zen zirkulazioa larriagotu dute.
Pazko astelehen hau laneguna da Kantabrian, baina ez Euskadin, Nafarroan eta Errioxan, besteak beste, jaieguna baita. Hori dela eta, erkidego horietako bisitari askok gaur arte luzatu ahal izan dituzte Aste Santuko oporrak.
Horrela, normaltasuna da nagusi euskal errepideetan itzulera operazioan. Segurtasun Sailak ez du gorabeherarik jakinarazi eta zirkulazioa arina dela esan du. Hala ere, auto-ilarak sortu dira A-15 errepidean, Elduain parean, Donostiarako noranzkoan, errepidean egiten ari diren lanak direla eta.
14:15ean, auto-ilarak izan dira A8 errepidean, Bizkaia eta Kantabria arteko mugan, baina berehala desegin dira, Eusko Jaurlaritzako Segurtasun Sailaren arabera. Auto bat matxuratu da Muskiz parean, Bilbora bidean, eta 4 kilometroko pilaketak sortu dira, bertatik ibilgailu asko baitzebilen ordu horretan.
A-1 errepidean, 5 kilometroko auto-ilarak sortu dira Gasteizen izandako istripu baten ondorioz. Dena dela, trafikoa minutu batzuk geroago etorri da bere onera bertan.
Eusko Jaurlaritzako Segurtasun Sailak 13:00etatik aurrera espero ditu ibilgailu gehien errepideetan. Guztira, 490.000 joan-etorri aurreikusi ditu Trafiko Zuzendaritzak Aste Santurako, 2018an baino % 6,9 gehiago.
Arretaz gidatzeko gomendio orokorraz gain, ohi bezala hainbat puntutan arreta berezia jartzeko eskatu du, auto-pilaketak sor daitezkeelako:
- A8 autobidean, Kantabriarekiko mugan
- AP-8 autobidean, Biriatuko ordainlekuan
- AP-1 autobidearen eta A1 errepidearen arteko lotunea, Armiñongo ordainlekuan
Zure interesekoa izan daiteke
Zainketa aringarrien estrategia berria onartu dute
Hemendik aurrera, zainketa aringarrien protokoloa ez zaie soilik sei hilabete baino gutxiagoko biziraupena duten gaixo terminalei. Gaixotasunak eragindako sufrimendua izango da kontuan hartuko dena.
"Gernika" Euskadira lekualdatzea, arazo teknikoa ala politikoa?
Picassoren Gernika Euskadira ekartzea arazo teknikoa da, ala politikoa? Hortxe dago koska, eta erantzun bila, EITBk Luis Beltran arte-zaharberritzailearekin eta Fernando Castro arte-kritikariarekin hitz egin du. Bat datoz, eta biek diote artelana garraiatzeak erronka tekniko handia dakarrela berekin, kontuan izanik koadroaren egoera eta tamaina. Hori oinarri, batzuen ustez, kalteak eragiteko arriskua handiegia da, eta ez du merezi; beste batzuen aburuz, aldiz, egin, egin izan dira halakoak lehen ere, eta borondate kontua da.
Haurreskolak Partzuergoak apirilaren 13an irekiko du izena emateko epea, 8.940 plazarekin
Familiek eskabidea online zein aurrez aurre aurkeztu ahal izango dute, Haurreskolen sare publikoko edozein ikastetxetan. Izena emateko epea maiatzaren 4an amaituko da, eta behin betiko zerrendak ekainaren 26an argitaratuko dira.
Basauri eta Portugaleteko futbol taldeei ezarritako betoa kendu du Bizkaiko Arbitroen Batzordeak
Ohar batean Bizkaiko Arbitroen Batzordeak adierazi duenez, "egoera bideratutzat" eman dute, erasorik ez errepikatzeko klubek "neurriak hartzeko" konpromisoa hartu baitute. Ondorioz, Basauri Bea eta Portugaleteko hurrengo partidetarako epaileak izango dituzte. Hala ere, inplikatutako hirugarren taldearen (Berangoko Karabigane) gaineko betoak indarrean jarraituko du, klub hori ez baita arbitroekin harremanetan jarri.
19 urteko neska batek sexu-erasoa salatu du, Santurtzin
30 urteko ustezko erasotzailea atxilotu zuen Ertzaintzak eta ondoren aske utzi zuen epaileak. Udalak elkarretaratzea deitu du ostiral honetarako, 12:00etan.
Urtebetean 320.000 trafiko isun Euskadin, non egiten dira arau-hauste gehien?
AP-8 eta A-8 errepideetan izan ziren zigor gehien iaz, eta gehiegizko abiadura nagusitu zen arau-hausteen tipologiari dagokioenez.
Alzheimerraren aurkako tratamendu berriak ikertuko dituen teknologia kuantikoko lehen proiektua bultzatu du Euskadik
Alzheimerrari aurre egiteko jomuga terapeutiko berriak identifikatzen lagunduko du IBM Quantum superordenagailu kuantikoak. Ikerketa berritzaile horren buru Eusko Jaurlaritzako Osasun Saila da, Basque Quantum, Biobizkaia, Osakidetza eta IBM Cleveland Clinic erakundeekin lankidetzan.
Zelan eragingo du trafikoan Itzuliaren Galdakaoko etapak?
Etapa Galdakaotik abiatuko da eta bertan amaituko da. Lasterketak Busturialdea zeharkatu, Jatako igoera gainditu eta amaiera ikusgarria izango du Txorierrin.
Donostiako Apezpikutzak Koruko Andra Maria basilikan Tokischa rap-abeslariak grabatutako bideoa kentzeko eskatu du
Gotzaindegiak "sakonki deitoratzen du espazio sakratuak desegoki erabiltzea", eta "oihartzun erraldoia" izan duen edukia grabatzeko baimenik ez zuela eman azpimarratu du.
Apirilak 8, Ijito Herriaren Nazioarteko Eguna Euskal Herrian
Ijito Herriaren Nazioarteko Egunaren kari, hainbat ekimen eta elkateratze egiten dira urtero Euskal Herrian. Aurten, Otxarkoaga auzoan (Bilbo), ijitoen bandera margotu dute auzoko banku batean; lehena da EAEn.