Musukoa ez da derrigorrezkoa barrualde gehienetan
Ia bi urte igaro eta gero, maskara eremu itxi gehienetan erabiltzeko derrigortasuna bertan behera geratu da. Hala ere, oraindik nahitaezkoa da ospitaleetan, osasun zentroetan, adinekoen egoitzetan eta garraio publikoan.
Espainiako Gobernuak atzo onartutako dekretua gaur 07:30 pasatxo zirenean argitaratu dute Estatuko Aldizkari Ofizialean.
Musukoak nahitaezkoa izaten jarraituko du hiru eremutan, arauaren arabera. Hauek dira:
Lehenik eta behin, osasun zentro, zerbitzu eta establezimenduak. Hots, ospitaleak, anbulatorioak, farmaziak eta odol-transfusioko zentroak. Argudiatu dutenez, toki horietan "pertsona kalteberen kontzentrazio handiagoa egon daiteke, gaixotasun larriaren arriskua handiagoa baita, eta, bestalde, kutsatzeko probabilitatea handiagoa da, arnas infekzio kutsakorrak dituzten pertsonen kopuru handiagoa egon baitaiteke, covid-19az gain".
Bigarrenik, adinekoen egoitzak. Dekretuaren arabera, zentro horietan covid-19 agerraldiak egon daitezke, pertsona zaurgarriei zuzenean eragin diezaieketenak. Nolanahi ere, egoiliarrentzat maskara ez da derrigorrezkoa izango, "egoitza euren bizilekua delako". Langileek eta bisitariek, ordea, ezingo dute erantzi, "kanpoaldearekin harremanetan daudenez, birusa sar dezaketen agenteak baitira".
Hirugarrenik, garraiobide publikoak —aire garraioa, trenbidez edo kable bidez egiten dena, autobusak, eta ontzi eta itsasontzi espazio itxiak, pertsonen arteko distantzia txikia badago— jasotzen ditu errege dekretuak. Horren arabera, "bidaiari asko biltzen da espazio txikietan, pertsonen arteko tarte txikiarekin, eta batzuetan denbora luzez". Testu horretan aitortu dutenez, "garraio askok eraginkortasun handiko iragazkiak dituzten aireztapen-sistema onak dituzte, baina aireztapen hori ez dago beti bermatuta guztietan". Hala ere, maskara ez da nahitaez erabili beharko bidaiarien nasetan eta geltokietan.
Derrigortasun horretan, bi salbuespen aipatzen ditu testuak (lehen ere indarrean zirenak). Lehenik, musukoa ez da ezinbestekoa izango "maskara erabiltzeagatik larriagotu daitekeen gaixotasunen bat edo arnasteko zailtasunen bat duten pertsonentzat eta desgaitasun/mendekotasun egoeragatik maskara kentzeko autonomiarik ez dutenentzat, ezta maskara erabiltzea bideraezina egiten duten jokabide-alterazioak dituztenentzat ere". Halaber, "jardueren izaeragatik beragatik, maskara erabiltzea bateraezina" denean, ez da derrigorrezkoa izango, betiere "osasun-agintarien jarraibideek" hala jasoz gero.
Lan arloa eta gomendioak
Lantokiei dagokienez, dekretuak ez du gehiegi zehazten (ahapaldi bakarrean azaltzen du), eta honakoa baino ez du ezartzen: "Oro har, ez da derrigorrezkoa izango maskarak erabiltzea". Hala ere, beste hau ere eransten du: "Laneko arriskuen prebentzioaren arloko arduradunek, lanpostuaren arriskuen ebaluazioarekin bat etorriz, lantokian edo lantokietako gune jakin batzuetan ezarri beharreko prebentzio-neurri egokiak zehaztu ahal izango dituzte, maskarak erabili ahal izatea barne, ebaluazio horretatik hala ondorioztatzen bada".
Espainiako Gobernuaren testuak ez dio inongo erreferentziarik egiten hezkuntza arloari, baina Darias ministroak oso argi esan zuen atzo: "Musukoa ez da nahitaezko izango inongo kasutan".
Azkenik, dekretuaren bi paragrafotan musukoa erabiltzea "gomendagarria" diren kasuak aipatzen dira, eta "arduraz" jokatzeko deia egiten da: batetik, "covid-19ak eragindako infekzioaren aurrean kalteberatasun handiagoa duten pertsona guztiei maskararen erabilerari eusteko aholkatzen zaie, 1,5 metrotik beherako distantziara dauden pertsonekin luzaroan kontaktuan egon behar badute". Era berean, ekitaldi jendetsuetan erabiltzeko gomendatzen da. Azkenik, "familia-ingurunean eta bilera edo ospakizun pribatuetan, parte-hartzaileen kalteberatasunaren araberako erabilera arduratsua gomendatzen da".
Barrualdeetan musukoa erabiltzeko aginduaren amaierarekin batera, gora egin du Araban, Bizkaian eta Gipuzkoan covid-19agatik ospitalean dauden pertsonen kopuruak: 315 dira, joan den astean baino 100 gehiago. Halaber, heriotza-tasa ere hazi egin da azken egunetan 17 pertsona hil baitira koronabirusak jota.
Horrela, gaurtik aurrera Espainian musukoa barrualdeetan gero eta gutxiago erabiliko da. Besteak beste, Frantzian, Alemanian, Belgikan, Erresuma Batuan eta Herbehereetan hartu zuten erabaki hori aurretik. Italian, Portugalen eta Grezian, ostera, oraindik ez dute urrats hori eman.
Zure interesekoa izan daiteke
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Suteak kontrolik gabe jarraitzen du Almerian, eta dagoeneko 12 dira hildakoak, 23 desagertuak eta 1.405 etxetik atera dituztenak
Andaluziako Gobernuak eutsi egin dio herritarrei euren etxebizitzetan egoteko egindako deialdiari.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.