Bilboko lau gizonen ustezko hiltzailearen bila jarraitzen du Ertzaintzak
Ertzaintza Bilboko lau gizonen ustezko hiltzailearen bila dabil. Gizonezkoa identifikatu du, baina oraindik haren bila dabil. Auzia sekretupean dago eta beste hiru heriotza ikertzen ari dira. Biktima guztiak gizonak dira, 2021eko urte amaieran jaso zituzten erasoak, eta heriotza naturaltzat jo zen.
EITB Mediak jakin ahal izan duenez, urrian 43 urteko gizon ondarroar bat hil ondoren norbaitek hildakoaren dirua bankutik atera zuela ohartu ziren senideak. Bilbon bizi eta musika irakaslea zen, eta Zazpikaleetako bere etxean aurkitu zuten hilik.
Antza denez, bilatzen ari diren gizona Internet bidez, homosexualen aplikazio baten bitartez, jarri omen zen harremanetan biktimarekin eta, droga eman ostean -extasi likidoa autopsiaren arabera-, banketxeko datuak lortu zituen, eta dirua lapurtu. Ertzaintzak, gertatutakoaren ustezko egilea identifikatu ondoren, gizona topatzeko bilaketa hasi du.
Horrez gain, ikerketa abiatuta, Ertzaintzak heriotza hau Bilbon izan diren beste kasu batzuekin lotu ditu. Hasieran, heriotza naturalak ziruditen, baina baliteke hilketa kasuak izatea, hori dela eta, beste hiru lagunen kasuak ikertzen ari dira, denak Bilbon gertatutakoak. Heriotzak iraila eta urria bitartean gertatu ziren.
Ikerketan oso garrantzitsua izan da gizon baten testigantza. Abenduan ihes egin zuen erasotzailearen eskuetatik, eta auzotarrei laguntza eskatu zien.
Zure interesekoa izan daiteke
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.
Euskadik Hezigiro abiatu du, ikastetxeetan konfort termikoa hobetzeko plana
Hezkuntza Sailak pilotajea jarri du martxan Bizkaiko lau ikastetxetan: Bagatza HLHI (Barakaldo), Luis Briñas-Santutxu BHI (Bilbo), Pagasarribide IPI (Bilbo) eta Indautxu HLHI (Bilbo).
Riglosko sutea "datozen orduetan" kontrolatuko dute
Ostiral honetan, sua kontrolatutzat emateko falta diren gune beroak itzaltzen saiatuko dira, eta Santa Cruz de la Serosko bizilagunak, aterperik gabe zeuden bakarrak, etxera itzuli ahal izango dira.
Bilboko Aste Nagusian galdu ezin diren 5 ekitaldi
Bilboko Aste Nagusiaz gozatzeko bost plan proposatzen dizkizugu. Ez galdu pregoia eta jaiei hasiera emateko txupinaren jaurtiketa, txosnak, lehiaketa gastronomikoak, balearen desfilea eta kontzertuak.
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta zapi urdinak banatuko dituzte bertan, urte hartan jaien ikur gisa zabaldu baitziren.