Euskararen aldeko "herri olatua" eta hizkuntza politika berriak eskatu ditu Euskara Aurrera ekimenak
"Euskara Aurrera" lelopean joan den larunbatean Donostian egin zen manifestazioko ordezkariek egitasmoaren inguruko balorazioa egin dute astearte honetan, eta, besteak beste, euskararen aldeko "herri olatu berri bat" eta euskararen lurralde osoan hizkuntza politika berriak behar direla nabarmendu dute.
Larunbateko ekimenaren balorazioa egiteko prentsa agerraldian Gazte Euskaltzaleen Sareko Malen Frantsesenak eta Pantailak Euskaraz ekimeneko Alex Aginagaldek hitz egin dute.
Gogorarazi dutenez, Euskara Aurrera egitasmoa aurkeztean adierazi zuten asmoa ez zela ekimena soilik beraiena izatea, baizik eta "sustatzaileak" zirela eta dinamika bere egin nahi zuen orori irekia zegoela. "Etorkizuna euskaraz irudikatzen duten guztiena: euskaldun berri eta zaharrena, gazte eta helduena, euskaltzale peto-petoena, hizkuntza ikasteko aukera izan ez dutenena, etorkizunean ikasteko urratsa emango dutenena", adierazi dute.
Ildo horretan, eskerrak eman dizkiete proposamenarekin bat egin zuten eta Donostian bildu ziren milaka eragile nahiz norbanakoei. "Jaso dugun harrera ona baino hobea izan da kasu guztietan. Erantzuna izugarri ona izan da. Guztion artean egin dugu dinamika hau zabal eta eder. Guztion artean egin dugu urrats erraldoi hau. Eskerrik asko, beraz. Mila esker modu batean edo bestean ekimen honekin bat egin duzuen guztioi", esan dute.
Bestalde, azaldu dutenez, azken asteetan behin baino gehiagotan esan dute euskarak eta euskaldunok bizi duten egoerarekin "kezkatuak" daudela. Kezka "blokeatzailea" izan daitekeela ohartarazi dute, "etsitzera daraman kezka", hain zuzen, baina, gaineratu dutenez, "guk dugun kezka, kezka sortzailea da, egoeraren jakitun izan eta aurrera bultzatzera garamatzana".
Zenbakietatik harago, deialdiak "kuantifikagarria ez den beste lorpen bat" ere izan duela nabarmendu dute, "euskalgintzan eta jendartean poza eta ilusioa piztea", alegia. "Hilabete lehenago Korrikak egin bezala euskalduntzean aurrera urratsak egiteko herri gogo bat badela eta energia berrituz taupaka ari dela sumatu dugu. Larunbatekoak indarra eman zigun euskaltzale guztioi. Indarberrituta gaude. Eta esan dezakegu prest gaudela Euskal Herriaren euskalduntzean jauzi indartsu bat egiteko", ziurtatu dute.
Bada, ekimenaren ordezkarien ustez, jauzi horrek bi gauza eskatzen ditu nagusiki. Alde batetik, euskararen aldeko "herri olatu berri bat" behar dela esan dute, eta hori dela, hain zuzen, dinamikarekin egin nahi izan duten dei nagusia.
"Egin dezagun urrats bat aurrera, bakoitzak beretik, eta bere neurrian har dezagun euskalduntzean dugun konpromisoa, eta altxa dezagun euskararen aldeko herri olatu berri eta berritu bat. Azken asteetakoa abiapuntua besterik ez da izan. Bagarela eta bagoazela esateko lehen urratsa", adierazi dute.
Hizkuntza politika berriak
Bestalde, euskararen lurralde osoan hizkuntza politika berriak behar direla nabarmendu dute, "euskararen biziberritzearena ez baita norbanakoon auzi partikularra".
Ekimeneko kideen iritziz, euskaraz bizi eta aritu ahal izatea ez da euskaraz bizi eta aritu nahi dutenen borondate hutsez gertatuko, horretarako "baldintzak" sortu egin behar baitira. Horrela, ziurtatu dute euskararen biziberritzeak "egiturazko neurriak" eskatzen dituela "hemen eta orain".
"Administrazio publikoek beraien ardurak har ditzaten eskatzen du. Egungo garaietara egokitutako hizkuntza politika berriak pentsatu eta martxan jarri behar dira. Horregatik, euskararen lurralde osoko gobernuei exijitzen diegu berandu baino lehen euskalgintzarekin eta herritarrekin batera egungo erronka eta beharrei erantzungo dieten hizkuntza politiken inguruan eztabaidatu eta neurriak har ditzaten", azaldu dute.
Azkenik, adierazi dute "oso pozik" daudela dinamikak izandako harrerarekin: "Urrats erraldoi bat egiteko gonbidapena egin genuen eta egin dugula uste dugu".
Edonola ere, ziurtatu dute ez datozela "inor ordezkatzera", eta beren arduraren partea bere egin eta euskalduntzean urrats berriak egin daitezen lanean jarraituko dutela, "dinamika hau egun bateko lorea izan ez dadin". "Orain arte egin dugun bezala, elkarlanean eta lankidetzan. Bakarka ezinezkoa delako. Elkarrekin soilik lor dezakegulako", gaineratu dute.
Zure interesekoa izan daiteke
Indarkeria matxistaren eta konplizitate sareen aurrean, erantzukizun soziala eta erresistentzia feminista aldarrikatuko dituzte azaroaren 25ean
Emakumeen aurkako Indarkeria Desagerrarazteko Nazioarteko Egunean, Euskal Herriko Mugimendu Feministak manifestazioak deitu ditu Euskal Herriko hiriburuetan (Bilbon, Donostian, Gasteizen eta Iruñean, 19:00etan, eta Baionan, 18:30ean).
Albiste izango dira: Emakumeen aurkako indarkeria desagerrarazteko eguna, Hertzainak eta Elkarren arteko epaiketa, eta Mendi Film jaialdiaren aurkezpena
Gaurkoan Orain-en albiste izango direnen laburpena, bi hitzetan.
Goiz korapilatsua errepideetan, eta istripuak AP-8an Amorebieta-Etxanon, N-1ean Alegian eta Elgoibarren
Bi autok talka egin dute AP-8 autobidean, Amorebieta-Etxano parean eta Donostiarako noranzkoan, eta, ondorioz, gutxienez bost kilometroko auto-ilarak sortu dira, N-1 errepidean, Alegia parean. Elgoibarko AP-87 autobidean, Gasteizko A-622 autobidean eta Leioako Avanzada autobidean ere arazoak izan dira.
Indarkeria matxistak seme-alabei ere egiten die kalte. Zeintzuk dira alerta-seinaleak?
Indarkeria matxistak ez die emakumeei soilik kalte egiten, seme-alabei zein etxean bizi diren adingabeei ere min handia ematen die. Haurren garapenean indarkeriak dituen eraginak aztertu ditu Estibaliz Zubialde Donostiako Lassai Psikologia zentroko familia-psikoterapeutak, eta zenbait gako eman ditu indarkeria hori detektatzeko eta horri aurre egiteko.
"Gertukoek biktimen testigantzak entzun eta sinetsi behar dituzte, zalantzan jarri eta berriz biktimizatu gabe”
Gaur, azaroaren 25ean, Emakumearen Aurkako Indarkeria Desagerrarazteko Nazioarteko Egunean, indarkeria matxista kasu baten aurrean gaudela uste dugunean, ingurukook nola jokatu behar dugun aztertu dugu Bizkaiko Bizitu elkartearekin.
Deiane, indarkeria bikarioaren biktima: "Egoera hau bizi duten umeak kontatzera animatzen ditut"
Gurasoak banatu ondoren, Deiane Vazquez aitaren indarkeriaren biktima izan zen 4 eta 14 urte bitartean. Ikastolako irakasleetako bat zerbait gertatzen ari zela konturatu zen, eta Deianek aitaren etxean bizitzen ari zen infernua kontatu zion. Urte batzuk geroago, psikologoarekin gogor lan egin ondoren, irainak eta gutxiespenak ez ezik, sexu-abusuak ere jasan zituela jakin du.
EHUren Leioako campuseko matxura konpondu dute, eta bihar klaseak izango dira
Astelehen honetan, 12:00etatik aurrera, Leioako campuseko ikastegi eta eraikinetako jarduera guztiak eten dira ur-sarean matxura izan da-eta.
Kamioi bat gurutzatu da N-636 errepidean, Elorrion, eta gorabeherak eragin ditu
Errepidean ibiltzea ohi baino konplikatuagoa izaten ari da gaur. Horren adibide, Elorrion izandako istripua: Kamioi batek guraizearena egin du N-636 errepidean, eta moztuta egon da. Euriak zaildu egin du trafikoa, eta adi egon behar, gaur eta bihar abisu horia izango baita indarrean Gipuzkoa, Nafarroako ipar partea eta Ipar Euskal Herria.
Auzitegi Goreneko epaiaren zain egon arren, etxea galdu dute Erandioko hiru familiak
Ostiralean etxegabetu zituzten Erandioko bikote bat eta haien gurasoak, Telebilbaok utzitako irudietan ikusten den bezala. Kasua 2015etik dago epaitegietan, abusuzko klausulen bidez iruzur egin zietela eta, bankua salatu zuen bikoteak. Hala ere, etxetik bota dituzte.
Zazpi euskal emakume hil dituzte indarkeria matxistaren ondorioz 2025ean
Biktimen artean, bikotekideek eraildako lau emakume, aitak hildako neska adingabe bat eta semeek hildako adineko bi emakume daude.