Artxandako, Txurdinagako eta Errekaldeko kanpoko igerilekuak larunbatean irekiko dituzte Bilbon
Bilbao Kirolakeko kiroldegietan, larunbatean hasiko da udako denboraldia; izan ere, egun horretan, hilak 11, Artxandako, Txurdinagako eta Errekaldeko kanpoko igerilekuak zabalduko dituzte. Kanpaina herritar guztientzako da, harpidedunentzat zein harpidedunak ez direnentzat, edukierak % 100ekoak izango dira, herritarrek ez dute izango zertan aurretiko hitzordurik eskatu instalazioetara sartzeko, eta solariumeko guneak, hau da, eguzkia hartzeko guneak, ez dituzte partzelatuko.
Artxandako, Txurdinagako eta Errekaldeko kanpoko igerilekuak egunero irekiko dituzte, asteburuetan eta jaiegunetan barne, irailaren 11ra arte. Ekainean, uztailean eta abuztuan, 10:00etatik 21:00etara bitartean izango dira zabalik; irailean, berriz, 20:00etara arte.
Gainera, eta hori berritasuna da, erabiltzaileek, aurten, aukera izango dute sarrerak eta bonuak aurretik erosteko, "modu erraz eta arinean", www.bilbaokirolak.eus web orrian. Hori bai, erosketa telematikoa egiterik ez duten herritarrek kiroldegietan ere lortu ahalko dituzte sarrerak.
Halaber, udaran, San Ignazioko eta Zorrotzako barneko igerilekuak zabalik izango dira, ur-aisialdiko gune gisa.
Murrizketarik ez
Testuinguru horretan, Itxaso Erroteta Bilboko Udaleko Gazteria eta Kirol zinegotziak udako denboraldiaren aurkezpenean zehaztu duenez, edukierak % 100ekoak izango dira; hori bai, ohi bezala, sarbidea kontrolatuko dute, bai eta murriztu ere mugara iritsita, bai solariumeko gunean baita ur-gunean ere.
Harpidedunak ez diren erabiltzaileek, arestian esan bezala, aukera izango dute sarrera aurretik erosteko; hala egitekotan, emandako posta elektronikoan jasoko dute sarrera, eta sarrerako QR kodea erakutsi beharko dute, hau da, ez dute izango zertan inprimatu. Banku-txartela baliatu ahal dute ordaintzeko, bai eta Bizum sistema ere. Gertatuko balitz erabiltzaile batek sarrera duela erosita eta ez duela sartzerik edukiera mugara heldu delako, urtebete izango luke nahi duenean erabiltzeko.
Kiroldegietan ere erosi ahal dituzte sarrerak herritarrek; beharko balute, Bilbao Kirolakeko langileen laguntza jasoko dute, eta ordainketa eskudirutan egiteko aukera izango da.
Eskumuturrekoak
Bilbao Kirolakek, herritarrei eskaintzen dizkien zerbitzuak modernizatzea helburu, instalazioetara sartzeko eskumuturrekoak ere gauzatu ditu. Aldageletako armairuak ireki eta ixtea ere ahalbidetzen du gailu horrek, eta beste hainbat funtzionalitate izatea aurreikusi dute.
Eskumuturreko horietako bat nahi izatekotan, herritarrek web orriaren eskatu beharko dute, eta Bilbao Kirolakek dituen 11 kiroldegietako edozeinetan jaso ahalko dute, erosketa-ordainagiria aurkeztuta; kiroldegietan ere eskatu ahal dute. Bi neurri izango dira eskuragarri, bata umeentzat eta bestea, handiagoa, umeentzat. Bilbao Kirolakek udara baliatuko du ohiko itxiera teknikoak egiteko; beharrezkoak dira, urteroko mantentze-lanak egiteko.
Errotetak esan duenez, "ziur" daude: "Kanpaina bikaina izango da". Herritar guztiek gozatu ahalko dute kanpoko igerilekuez: "Aisialdi osasungarriko aukera oso ona da, Bilbotik irten gabe ondo pasatzeko".
Albiste gehiago gizartea
Atxilotu bat Bilboko aireportuan, Suediara arma bat bidaltzeagatik
Suediako segurtasun-indarrek atzeman zuten arma. gizona identifikatu eta atxilotzeko eta entregatzeko agindua eman zuten, Europa mailan.
Gaur ere abisu horia ezarriko dute prezipitazioengatik EAEn, 13:00etatik aurrera
13:00etik 19:00etara egongo da indarrean. Atzo iluntzeko ekaitzak kalte ugari eragin zituen.
Gizon batek emaztea eta 3 urteko semea hil ditu Valentzian
Gaur goizean izan dira hilketak, Algemesi herriko etxebizitza batean. Erasotzailea atxilotu egin dute.
Atzoko ekaitzak uholdeak eta kalteak eragin ditu eta hainbat ekitaldi bertan behera utzi behar izan dituzte, batez ere Bizkaian
Ekaitz handi batek Euskadi goitik behera zeharkatu zuen atzo arratsaldean, eta gorabehera handiak utzi zituen, batez ere Bizkaiko hainbat udalerritan. Uholdeak izan ziren, eta azpiegituretan kalteak ere bai: hainbat jaitako ekitaldiak bertan behera utzi behar izan zituzten.
"Bruce Springsteenek garrantzi berezia eman nahi izan dio euskarari Donostiako bi kontzertuetan"
Amaia Ispizua Get In enpresako promotoreak Bruce Springsteenek Anoetan interpretatu dituen bost abesti euskaratu ditu. "Askatasunaz hitz egiten duten abestiak dira, eta Trumpen administrazioa hartzen ari den ildoaren aurkakoak dira", adierazi du Ispizuak.
Euskarak BAME azterketan nola puntuatuko duen aztertzen ari da Osasun Ministerioa, baina "ez da aurretiazko baldintza izango”
Gainera, hizkuntzak ez du BAME azterketako baremazioa aldatuko, Monica Garcia ministroak Kongresuko Osasun Batzordean esan duenez.
Kamioi batek su hartu du AP68 errepidean, Zuian
Autoak zeramatzan kamioi batek su hartu du AP68an, Zuian, Zaragozarako noranzkoan. Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.
Sexu-esplotazioko sare batean zeuden 12 emakume askatu dituzte Euskadin
Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.
Lau pertsona atxilotu dituzte sei probintziatako supermerkatuetan 36 lapurreta egiteagatik
Lapurretak 2024ko uztailetik 2025eko apirilera bitartean egin ziren Burgos, Kantabria, Gipuzkoa, Nafarroa, Araba eta Bizkaiko hainbat supermerkatu-katetan.
Arabako Auzitegiak gizon bat epaituko du asteazken honetan, emaztea eta bien alaba adingabeak behin baino gehiagotan bortxatzea leporatuta
Fiskaltzaren eta akusazio partikularraren arabera, gizonak tratu txarrak ematen zizkion emakumeari eta behin baino gehiagotan bortxatu zituen bikotekidea eta bi neskatoak.