Tour Egunak Bizkaian barrena ibilbidea egingo du abuztuaren 7tik 2023ko ekainera
Bizkaiko Aldundiak, Frantziako Tourraren eskutik, 18 Tour Egun ospatuko ditu Bizkaiko beste hainbeste udalerritan, bizikletaren erabilera sustatzeko eta lurraldean zehar igaroko diren lasterketaren bi etapen "emozioa" aurreratzeko.
Besteak beste, ekimenak tailer didaktikoak, praktika-pistak eta Tourraren museo bat izango ditu, eta tokian tokiko txirrindulariak eta klubak omenduko ditu.
2023ko uztailaren 1ean eta 3an, Gran Départ Pays Basque Tourreko bi etapa izango dira Bizkaian. Unai Rementeria Bizkaiko ahaldun nagusiak azaldu duenez, Tour Eguna Tourraren etorrera ospatzeko jaia da, eta abuztuaren 7an abiatuko da Lekeition.
2023ko ekainera arte hainbat asteburutan ospatuko da Arena hondartzan (Muskiz eta Zierbena), Sopelan, Mungian, Zallan, Zornotzan, Leioan, Galdakaon, Santurtzin, Durangon, Basaurin, Getxon, Bilbon, Barakaldon, Gernikan, Markina-Xemeinen, Ermuan eta, azkenik, Igorren.
Bizkaiko Tourraren ibilbidea eta lasterketaren historia ezagutzera emateaz gain, Tour Egunaren helburu nagusia txirrindularitza sustatzea da, bai kirol arloan, bai mugikortasun arloan; hala, bizikleta eguneroko joan-etorrietarako garraiobide gisa erabiltzea bultzatuko da. Horretarako, 18 Tour Egunetako espazioan, familientzako jarduerak eta tailerrak antolatuko dira.
Tour Eguneko espazioak
Udalerri bakoitzean, Tour Eguna hainbat arlotako espazio mugatu batean ospatuko da, non hainbat jarduera egingo diren.
Tourreko tailerren gunean honako gune hauek egongo dira:
-Hezkuntza-ikasgela bat, non, jolasaren bidez eta Maxoo Tourreko maskota ofizialaren eskutik, txirrindularitzan, bizikletaren ezagutzan eta 14 urtera arteko neska-mutilen oinarrizko arauen ezagutzan sakontzen den.
-Bide-segurtasuneko gela bat, non modu seguruan bizikletan ibiltzen ikasteko, arauak jokoen bidez ezagutzeko, ekipamendu egokia erabiltzeko eta bizikletaz ibiltzean behar bezala jokatzeko jardungo den.
-Lantegi-gune bat, bizikleta mantentzeari eta konpontzeari buruzko oinarrizko nozioak ikasteko, bai eta lapurretak saihesteko babesari buruzkoak ezagutzeko ere.
-Bizikletak aukeratzeko eta probatzeko gune bat, non pertsona espezializatu batek erabiltzaile bakoitzarentzat egokiena den bizikleta motari eta neurriari buruzko aholkuak ematen dituen dauden moten arteko zalantzak argituz; hiriko bizikletak, errepidekoak, mendikoak, tolesgarriak, elektrikoak.
-Txirrindularitza eta mugikortasun jasangarria sustatzen duten tokiko klub eta txirrindularientzat gordetako gunea.
Gune horiekin batera, praktiketarako eremu bat prestatuko da, bi pista dituena:
-Hastapenetarako pista bat, espezialistek gainbegiratua, 2 eta 10 urte bitarteko haurrak bizikletaren erabileran ohitu daitezen.
-Txirrindularitzan hasita dauden 6-14 urteko haurrentzat egokitutako pump track pista.
Era berean, Frantziako Tourraren eta Bizkaiko Tourraren historiari buruzko erakusketak izango dira ikusgai, Vicente Blancok 1910eko edizioan parte hartu zueneko garaira itzuliz.
Datak
2022 / 8 / 7 Lekeitio
2022 / 8 / 14 Arena (Muskiz eta Zierbena)
2022 / 8 / 21 Sopela
2022 / 9 / 18 Mungia
2022 / 10 / 9 Zalla
2022 / 10 / 23 Zornotza
2022 / 11 / 6 Leioa
2022 / 11 / 20 Galdakao
2022 / 12 / 18 Santurtzi
2023 / 2 / 12 Durango
2023 / 2 / 26 Basauri
2023 / 3 / 12 Getxo
2023 / 3 / 26 Bilbao
2023 / 4 / 23 Barakaldo
2023 / 5 / 7 Gernika
2023 / 5 / 21 Markina-Xemein
2023 / 6 / 4 Ermua
2023 / 6 / 18 Igorre
Zure interesekoa izan daiteke
Euskal hiriburuetako kaleetan barrena ibili dira Errege Magoak
Umeek eta helduek kale bazterrak bete dituzte Gasteizen, Bilbon, Donostian eta Iruñean Meltxor, Gaspar eta Baltasar ikusi eta gozokiak eskatzeko. Haien laguntzaileekin eta bestelako pertsonaiekin batera desfile koloretsuak egin dituzte, gauean zehar opariak banatu aurretik.
362.000 pertsona baino gehiagok bisitatu dute Donostiako Aquariuma 2025ean
Gipuzkoako baliabide turistiko eta kultural bisitatuena da, eta Euskadiko bigarrena, Bilboko Guggenheim Museoaren atzetik.
Ertzain bati droga eskaini zion Oñatiko gozoki denda bateko langile bat atxilotu dute
Miaketan 190 gramo kokaina, 100 gramo haxix eta 11.825 euro atzeman zituzten.
Gizon batek emakume bat hil du Jaenen
Quesadan hildako emakumea eta haren bikotekide ohia, atxilotuta dagoeneko, VioGen sisteman izena emanda zeuden.
Errege Magoak Euskal Herrira iritsi dira
Hotza gorabehera, Errege Magoek ez dute hutsik egin eta ongietorria ematera hurbildu diren haurrak agurtu dituzte. Gaur arratsaldean kaleak ilusioz eta magiaz beteko dira desfilean zehar.
Gripe kasuek % 4 egin dute gora Euskadin Gabonetako ospakizunen osteko astean
Batez besteko intzidentzia 100.000 biztanleko 721 kasukoa da, aurreko astean baino 54 puntu gehiago: 830 Araban, 736 Bizkaian eta 652 Gipuzkoan
Ehunka opil solidario banatu ditu Caritasek, 2 euroan, Bilbon eta Donostian
Bilbon 3.000 opil-zati banatu dituzte haur zaurgarriei laguntzeko, eta Donostian 1.500 zati banatu dira Gipuzkoako Caritasen programak eta zentroak babesteko.
Mendizale baten gorpua aurkitu dute Aiako Harrian
Igandean hasi ziren 54 urteko gizonaren bilaketa lanak, eta gaur goizean aurkitu dute iristeko zaila den gune batean, bilaketa dispositibo handi baten ostean.
Araba, 2026ko abuztuko eguzki-eklipsea ikusteko Euskadiko lurralde pribilegiatua
Mende bat baino gehiago da Euskal Herrian ez dela eklipse osorik ikusten eta datorren abuzturen 12koan Araba izango da lurralde pribilegiatuena, lurralde osoan ikusgai izango baita fenomeno astronomiko berezia. Hala ere, eklipsearen puntu gorena 20:28ak aldera izango da, eta, beraz, eguzkia "oso baxu egongo da" ordurako, eta litekeena da mendebal/ipar-mendebaldeko ortzi-muga garbi duen kokalekurik ez duenak ez ikustea, eguzkia beharbada ezkutatua egongo delako ordurako.
Magia, karrozak eta gozokiak: honelakoak izango dira Errege Magoen kabalgatak Bilbon, Gasteizen, Donostian eta Iruñean
Meltxor, Gaspar eta Baltasar (ia) prest daude kale nagusiak zeharkatzeko, berariaz prestatutako argi eta kolore ikuskizunekin lagunduta ibilbide osoan zehar.