Peio Bilbao: "Aurrekoek listoia oso altu utzi dute Urbiako fondan, eta bide horri eustea da gure asmoa"
Urbiako fondak kudeatzaile berriak behar zituela jakin zutenean, ez zuten bi aldiz pentsatu Peio Bilbao elgetarrak eta Naiara Romatet azkoitiarrak. Baserritik bizi da Bilbao —txerri haztegia du Elgetan— eta aspalditik zebilkien buruan lan osagarri bat bilatzea. Pentsatu eta egin. Gipuzkoako eta Arabako Partzuergora jo zuten informazio eske, eta hortik aurrera, ia ohartu gabe, fondako kudeatzaile berriak izatera iritsi dira.
Ilusioz helduko diote ardura berriari, baina urduritasuna ezin dute ezkutatu, "jakin badakigu eta, aurrekoek listoia oso altu utzi dutela fondan". Bide horri eustea dute helburu, "berrikuntza txikiren bat" sartuta. Hala aitortu dio Bilbaok eitb.eus-i: "Poza eta kezka, biak nahastuta ditugu oraintxe bertan. Badakigu aurrekoek utzitakoari eustea ez dela erraza, baina horretan ahaleginduko gara. Betiko eskaintzari eutsiz, geure ukitua eman nahi diogu. Neu txerri hazlea izanda, Basatxarri produktuak ere eskainiko ditugu".
Aurrez ibilia da ostalaritzako lanetan Bilbao, eta alde horretatik, ez dauka lan berriari heltzeko beldurrik. Baserriko lanekin uztartuko du fondaren kudeaketa. Bere hitzetan, lan biak "bateragarriak" izan zitezkeela ikusi zuenean erabaki zuen proiektu berriari ekitea. Naiara Romatet, berriz, ingeniaria da, eta horrek ere, bere ofizioari eusteko asmoa du. Asteburu eta jai-egunetan joango da Urbiara.
Irekiera ofizialerako data jarri dute: uztailak 31, San Inazio eguna. Halere, aurrez zabalduko dituzte ateak, "ohitzen eta ikasten joateko". "Kolpera, San Inazio egunean irekitzea, aurrez probatu gabe, erokeria litzateke", gehitu du Bilbaok.
Fondaren kudeatzaile berriak izango zirela jakin zutenetik, "handik atera gabe" dabiltza, aurrekoen laguntzarekin. "Oso eskertuak gaude aurrekoengandik jasotzen ari garen laguntzarekin. Oso jatorrak dira eta sekulako pazientziarekin ari dira dena erakusten".
Azaroaren 1era bitarte egunero —astelehenetan izan ezik— egongo da zabalik Urbiako fonda, eta hortik aurrera, asteburu eta jai-egunetan bakarrik.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.