Aste Nagusiko Txikiguneak "planetaren salbamendu gune" bilakatuko du Bilbo
Bilboko Udalak Aste Nagusiko haurrentzako Txikigunea aurkeztu du ume eta familientzako topagune gisa. Aurten, NBEren 2030 Agendaren Garapen Iraunkorrerako Helburuak (GIH) izango ditu ardatz.
Hala, Bilbo "Planetaren Salbamendu Gune Unibertsal" bihurtuko da. Umeek eta familiek, erronka ludiko-pedagogikoen bitartez, garapen jasangarriaren esanahia ezagutuko dute, 2030 Agendan dauden 17 GIHak identifikatuz.
Itziar Urtasun Jaietako zinegotziak azaldu duenez, "Aste Nagusian, Planetan eragindako hondamendiak prebenitzeko, konpontzeko eta, batez ere, horien gainean jarduteko interesa duten guztiak bilduko ditugu, eta antolakuntzaren aldaketaren eta eraldaketaren agente aktibo bihurtuko ditugu". Horretarako, "umeak eta gazteak aldaketaren agente izatea behar dugu, inor atzean utziko ez duen hiri jasangarria sortzeko", iragarri du.
Txikiguneko "B-Agentzia" Eskolan parte hartzen dutenek Botxorrak agente edo B agente titulua lortuko dute, eta ezagutza, trebetasun, balio eta "hiriaren garapen jasangarrian laguntzeko ahaldunduko dituzten trebeziak" eskuratuko dituzte.
Abuztuaren 21etik 28ra, igandetik igandera, izango dira jarduerak, goizez eta arratsaldez, Casilda Iturrizar parkeko Pergolan, Ahateen urmaeleraino zabalduta. Txikiguneak 11:00etatik 14:30era eta 16:30etik 20:00etara irekiko ditu ateak, eta adinaren arabera diseinatutako hogeita hamar jarduera baino gehiago eskainiko ditu.
Arratsaldeetan, Antzerki eta Kaleko Arte Eszenikoen agertoki gisa finkatuko da gune hori jaietan zehar. 19:30etik aurrera, hauek iritsiko dira Pergolara: Eidabe, "Gora bihotzak!" obrarekin; Chirs-iris, "Gap of 42" lanarekin; Akelar, "TNT" ikuskizunarekin; eta Circo Los, "Kasumay" emanaldiarekin. Era berean, Panpotxen "Arin arin erbiaren abenturak"; Hutsun + Ortziren "Txalaparta hutsa" eta Tippiaren "Plas & Co" ere ikusi ahal izango dira.
Udalak martxan jarriko du berriro Txu Txu trena. Doako anezka-zerbitzua izango da eta 25 minuturo ibiliko da, pertsona oro Txikigunera eramateko. Tren horiek haurtxoentzako orgatxoak eramateko egokituta egongo dira, eta mugikortasun urriko pertsonak zuzenean sartu ahal izateko arrapala izango dute.
Bilboko Udalak oihalezko 2.000 eskumuturreko identifikatzaile banatuko ditu, adingabeak identifikatu ahal izateko eta, despistatu edo galtzen badira, haien arduradunekin harremanetan jartzeko. Eskumuturrekoak Txikiguneko informazio-gunean eskuratu ahal izango dira, doan.
Zure interesekoa izan daiteke
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbolarekin zerikusia dutelakoan Bizkaian atxilotutako bi lagunak
Pasaporteak kendu dizkiete eta hamabost egunean behin epaitegian agertu beharko dute. Bi gazteak Iranekin bat plataformako kideak dira; talde horrek "inperialismo genozida salatzearen" aurkako kanpaina bat salatu du.
Emakume bat hil da Tuteran, auto istripu batean
Ezbeharra NA-134 errepidean gertatu da, gaur arratsaldean. Hildako emakumeak gidatzen zuen autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.