Uztaila giro lasaiarekin eta tenperaturen igoerarekin utziko dugu atzean
Uztaileko azken asteburua giro lasaiarekin eta tenperaturen igoerarekin helduko da. Kostaldean tenperaturak 26 gradu ingurukoak izango dira, eta 29 gradukoak barnealdean.
Larunbat goizean, ipar partean hodei dezente agertuko dira eta kostaldean euri apur bat egin dezake, bereziki ekialdean. Hala ere, orduek aurrera egin ahala, hodeiek gutxitzera egingo dute, eta, arratsaldean, ostarteak gailenduko dira. Hegoaldean, goizetik, giroa eguzkitsua izango da. Iparraldeko haizea ibiliko da egun osoan zehar.
Tenperatura maximoak 25 eta 24 °C-takoak izango dira Bilbon eta Donostian, hurrenez hurren. Hegoaldeari dagokionez,Gasteizen 27 °C-ra eta Iruñean 29 °C-ra iritsiko dira tenperaturak. Minimoei erreparatuz, Gasteiz izango da hiririk hotzena, 13 °C-rekin. Bilbon, minimoak 17 °C-ra helduko dira, eta 16 °C-ra, Donostian eta Iruñean.
Igandean, tenperaturek gora egingo dute. Goizean, ipar partean, hodeiak agertuko dira, eta, ekialdean, ugariagoak izango dira, baina, orduek aurrea egin ahala, desagertzera egingo dute, eta arratsaldea oso eguzkitsua izango da. Ipar eta ipar-ekialdeko haize suabea ibiliko da. Barnealdean, tenperaturak 28-30 ºC-ra hurbilduko dira.
Bilbon, tenperatura maximoa 27 °C-takoa izango da, eta 25 °C-takoa, Donostian. Gasteiz 30 °C-ra iritsi daiteke, eta, Iruñean, termometroek 34 °C markatu ditzakete. Minimoei begiratuta, Bilbon 17 °C-koak izango dira, eta 16 °C-koak Donostian eta Iruñean. Igandean ere Gasteizen egongo dira minimo baxuenak, 12 °C-rekin.
Uneoro, eguraldiari buruzko informazio gaurkotua kontsulta dezakezu eitb.eus-en, edo zure argazkiak bidali.
Zure interesekoa izan daiteke
Ehunka herritarrek salatu dute Berrizen atzo izandako hilketa matxista saiakera
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.