Trafikoa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Hiru pertsona zauritu dira hegoaldeko saihesbidean (AP-8), Trapagaran parean, bi kamioik talka egin ostean

Garabiek ibilgailuak bidetik kendu dituzte jada eta zabalik gelditu da AP-8ko saihesbideko sarrera, 129 puntu kilometrikotik, Irunerako noranzkoan.
Suhiltzaileek kamioiaren barruan harrapatuta geratu den pertsona atera behar izan dute.
Suhiltzaileak kamioiaren barruan harrapatuta geratu den pertsona ateratzen. Argazkia: Iker Salgado

E.G. | EITB Media

Azken eguneratzea

Hiru pertsona zauritu dira gaur hegoaldeko saihesbidean (AP-8) Irungo noranzkoan eta Trapagaran parean (Bizkaia) gertatu den istripu batean, Eusko Jaurlaritzako Segurtasun Sailak eitb.eus-i jakinarazi dionez. 

Ezbeharra 10:15ean jazo da aipatu errepideko 125. kilometroan. Talkaren ondorioz, hiru pertsona zauritu dira, eta horietako bat ibilgailuetako baten barruan geratu da harrapatuta. Suhiltzaileek atera behar izan dute. 

Osasun zerbitzuak, Ertzaintza eta Bizkaiko suhiltzaileak bertaratu dira. Garabiek ibilgailuak bidetik kendu dituzte jada eta zabalik gelditu da AP-8ko saihesbideko sarrera, 129 puntu kilometrikotik, Irunerako noranzkoan.

Gizartea Trafiko Istripuak Trafikoa Ertzaintza Bizkaia Trapagaran Eguneko Titularrak A8 Autobidea Trafiko istripuen biktimak Supersur

Zure interesekoa izan daiteke

Gehiago ikusi
Publizitatea
X