Pertsona bat harrapatu du Metroak Bilbon, Abandoko geltokian
Gizon bat harrapatu du gaur goizaldean Metroak Bilbon, Abandoko geltokian, eta Basurtuko Ospitalera eraman behar izan dute. Ez dago zaurituaren egoeraren berririk.
Ezbeharra 02:40ak aldera gertatu da, oraindik argitu ez diren arrazoiak medio.
Istripuaren ostean, geltokia hustu egin dute, eta metro zerbitzua etenda geratu da Alde Zaharra eta Indautxu artean 03:30ak arte.
Udaltzainak, ertzaintzak, suhiltzaileak eta osasun langileak aritu dira lanean.
Ikerketa zabalik da une honetan, zer gertatu den argitzeko.
Ez da izan Aste Nagusiko azken gaueko ezbehar bakarra. Izan ere, Bilboko Epaltzaren Alargunaren kalean sutea piztu da bart, eta, ondorioz, 8, 9 eta 10 zenbakiko atarietan bizi diren bizilagunak etxetik atera, eta lau txosnatan zegoen jendea bertatik atera behar izan dute.
Gainera, pertsona baten bila ere ibili dira gau osoan ibaian. 00:30 aldera, lekuko batek abisu eman zion Ertzaintzari gizon bat ikusi zuela ibaira salto egiten Olabeaga parean, eta ez zela ageri. Gau osoan bila ibili dira Gurutze Gorriaren, Guardia Zibilaren eta Ertzaintzaren hiru ontzi pertsona horren bila uretan baina ez dute topatu. Eten egin dira bilaketa lanak, eta goizean zehar egindako bileran bilaketa bertan behera uztea erabaki dute. Ez dakite bere kabuz irten den, edo lekukoak ondo ikusi ez duen. Zantzu berririk izan ezean ez dute berriro martxan jarriko.
Zure interesekoa izan daiteke
Gizonezko batek 49 urteko bikotekidea bat hil du Zaragozan
Auzokideek Polizia Nazionalari deitu zioten bikotearen etxebizitzan liskar gogor bat izan zela jakinarazteko. Patruila bat bertaratu denean, emakumearen gorpua aurkitu dute, labankadekin. Ustezko hiltzailea dagoeneko atxilotu dute.
Zeintzuk dira Forbeseko aberatsenen zerrendan agertzen diren bost euskal herritarrak?
Daniel Mate donostiarra, Glencoreri lotua, euskal ordezkaritzaren buru da Forbesen zerrendan. Ondoren, De Urrutia, Ybarra, Arregui familiak eta Jose Antonio Jainaga siderurgiako enpresaburua daude. Burtsak gorabehera, Euskal Herriko aberatsek Estatuko mapa ekonomikoan duten pisuari eutsi diote.
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.