Gipuzkoako serie bortxatzaileak, epaiketaren hasieran, ukatu egin du egozten zaizkion hiru erasoak egin izana
Gipuzkoako serieko bortxatzaileak, lehendik ere 12 eta 9 urteko espetxealdiarekin zigortua Beasainen eta Lasarte-Orian egindako bi bortxaketengatik, "irmoki" ukatu du Tolosan, Andoainen eta Anoetan egindako beste hiru sexu erasoren erantzulea izatea.
Auzipetuak astelehen honetatik asteazkenera arte Gipuzkoako Auzitegiko Hirugarren Sekzioan egiten ari den epaiketaren lehen saioan deklaratu du. Abokatuak egindako galderei baino ez die erantzun, eta uko egin dio Fiskaltzak eta hiru biktimek osatzen duten akusazio partikularrak prestatuta zituzten galderei erantzuteari.
Prozesatuak musukoaz aurpegia erdi estalita eta hankak ia erdiraino estaltzen zizkion beroki luze bat soinean agertu da epailearen aurrera. Ziurtatu du bera ezin dela izan bi saiakera eta sexu eraso kontsumatu horien egile, gertatu ziren datetan "kanpoan" zelako, ama bisitatzen.
Auzipetuaren deklarazioaren ostean, biktimen deklarazioei ekin dieta. Epaiketa ateak itxita ari dira egiten, akusazio partikularraren abokatuak, Clara Campoamor elkarteko Cristina Ramosek, hala eskatuta.
Fiskaltzak 28 urte eta hamar hilabeteko espetxe-zigorra eskatu du akusatuarentzat, bortxaketa-delitu bat eta bi bortxaketa-saiakera egotzita.
39 urteko akusatua 2019ko uztailaren 19an atxilotu zuten Lazkaon, sei egun lehenago Beasainen bortxaketa bat egiteagatik. Ikerketari esker, susmagarri hori atxilotu ahal izan zuten, izan ere, 2012tik Gipuzkoako hainbat lekutan sexu-delitu ugari egin zituen susmoa zegoen.
Zure interesekoa izan daiteke
Sei kilometrorainoko auto-ilarak N-1 errepidean, Villabona parean bi kamioik izandako istripuaren ondorioz
Eusko Jaurlaritzako Segurtasun Sailak jakinarazi duenez, istripua Gasteizerako noranzkoan gertatu da. Errei bat itxita dago, eta auto-ilarak A-15 autobidean ere ari dira arazoak sortzen.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Hantabirusa duten hiru bidaiari ebakuatu dituztela eta Herbehereetara bidean direla baieztatu du MOEk
Ontziko medikua ez dute azkenean Kanarietara eramango, bere osasunak hobera egin baitu. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du".
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.
Gutxienez 21 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Bi ibilgailuk istripua izan dute Erandion, eta auto-ilarak daude BI-30 errepidean, Txorierriko igarobidean,
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.