Zementuaren industriak atmosferara doazen CO2 emisioen % 8 sortzen du: nola murriztu haren eragina?
Zementuaren industriak atmosferara doazen CO2 emisioen % 8-10 sortzen ditu. Datu hori abiapuntu, eitb.eus INGURUBIDE Bilbo hiri iraunkorrerako baliabide zentroan izan da, eta Diana Garcia proiektu arduradunak gakoak eman dizkigu industria horrek emisio gutxiago sortu ahal izateko. Klima aldaketaren aurkako borrokak orain du nazioarteko eguna, eta helburu hori oso garrantzitsua da borroka horren testuinguruan.
Zergatik kutsatzen du zementuak hainbeste?
Diana Garciak nabarmentzen duenez, produktu batek zenbat kutsatzen duen aztertzen dugunean "horren etapa gehiago hartu behar dira kontuan", ez soilik erabilera; hau da, erreparatu behar zaio "lehengaiaren erauzketari", baina, halaber, lehengaiaren tratamendua, "zementu bihurtzeko", eta, zementua produktu gisa lortuta, "garraioa".
Zer egin ahal dugu eragin hori murrizteko?
Diana Garciaren esanetan, zementuaren bizitza "zirkulu" bat balitz bezala ulertu beharko genuke. Ekodiseinua izeneko kontzeptuan sakondu du: "Zementuaren hasierako pentsamenduetan, ekodiseinua bururatu behar zaigu. Etapa guztiak hartu behar dira kontuan", lehengaia erauzi aurretik ere.
Nola egin, eraikin bat jasangarriagoa izan dadin?
Javier Sanchez INGURUBIDEko koordinatzailearen arabera, "bereziki, eraginkortasun energetikoaren alde egitea da kontua". Berriztatze edo birgaitze bat egin behar dugunean, kontuan hartu beharko genituzke honako arlo hauek: "Aireztapena, etxebizitzaren barneko kontsumoak, eta, horrez gain, gaiak birziklagarriak izatea".
Hori, obra berrian, "nahiko erraza da"; eraikin bat berriztatu behar dugunean, aldiz, "kontzeptu horiek guztiak apurka-apurka sartu beharko genituzke: bestelako gaiak bilatu, bigarren erabilerako lehengaia…".
Ordezko gai horietako adibide gisa, Javier Sanchezek lastoa aipatu du. Hurrengo bideoan, halaber, eraikuntza modularra du hizpide: "Pausoak laburtu egiten ditu, eraikuntza prozesuan; eta edozein pauso laburtzeak esan nahi du atmosferara CO2 emisio gutxiago iritsiko direla".
INGURUBIDE Bilbo hiri Iraunkorrerako baliabide Zentroa da, eta Berdeago Jasangarritasunaren Europako Elkartetik kudeatzen da. Han dira Diana Garcia eta Javier Sanchez.
Albiste gehiago gizartea
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik astearte honetan piztu ziren biekin. Sutea garagar eta gari uzta jasota dagoen galtzu soroen eremu batean hasi da, baina gertu du basoa.
EHUk Bakearen aldeko Adierazpena sinatu du Hiroshiman, eta Bengoetxea errektoreak Gazako sarraskia salatu du
Joxerramon Bengoetxeak "memoria ariketaren garrantzia" azpimarratu du. "Unibertsitateok gure esku dagoena egitera behartuta gaude, errepika ez dadin eta gertatutakoa ahaztu ez dadin", erantsi du.
Osasun alerta gorria Nafarroan eta abisu horia EAEn eta Ipar Euskal Herrian datozen egunetako beroagatik
Ostegunetik aurrera tenperatura altuak espero dira, eta Nafarroako Erriberan 40 gradura iritsiko dira. Balio horiek igandera arte behintzat mantenduko direla aurreikusten da. Gainera, ostiralean tenperatura maximoak 35 gradutik gorakoak izan daitezke, ez bakarrik Arabako hegoaldean, baita Kantauri aldeko barnealdean ere.
Paketatzeko makina batek eragin zuen Izarbeibarko sutea
Sua kontrolpean dute jada suhiltzaileek. Bilakaera onari esker, Nafarroako Gobernuak malgutu egin du nekazaritzako lanak debekatzen zituen agindua.
Gidari batek mugikortasun-agente bat aurretik eraman du, 5 metro arrastaka eraman ere, aparkalekura sartu nahi zuelako, Donostian
Agentea hiriburuko geltokian dagoen aparkalekuko sarreran zegoen, autoei sartzea galarazten, beteta baitzegoen. Une horretan azeleratu eta parkingera sartzen saiatu zen, eta aurretik eraman du agentea. Atxilotu egin dute autoaren gidaria.
Uda honetako beroak 41 heriotza utzi ditu orain arte Euskadin
Abuztu honetan, oraingoz, pertsona bakarra hil da Euskadin tenperatura altuen ondorioz. Heriotza hori udako bigarren bero-boladaren hasierarekin batera gertatu da, eta beroak luze joko du. Segurtasun Sailak hainbat abisu hori aktibatu ditu.
Jaurlaritzak diskoteketan atezain izateko betekizunak aldatzeko prozesua hasi du, Gasteizko Mitikan gazte bat hil ondotik
Gasteizko Mitika diskotekaren aurrean atezainak kolpea jota hil zen gaztearen gurasoek eskatuta, Eusko Legebiltzarreko gehiengo zabal batek Jaurlaritzari eskatu zion gaueko aisialdiko segurtasun pribatua arautzen duen legedia azter eta molda dezan, atezainek dituzten "jarrera oldarkorrak" saiheste aldera.
Bilbori Aste Nagusi usaina dario! Hasi dira txosnak muntatzen
Aurten, "Txosnak. Gureak, denonak" kanpainaren kolore arrosa izango da nagusi txosnaguneko dekorazioan, konpartsak eta txosnak Euskal Herriko ondare immaterial izenda ditzaten aldarrikatzeko. Bilboko Konpartsek azpimarratu dute txosnagunean ez dutela inolako erasorik onartuko.
"Erraz sar daiteke Cotolinon, ikuspegia polita da, baina arriskutsua da gauean"
Endika Martinez Kantabriako DYAko larrialdietako teknikari eta itsasoko operatiboen arduradunak Castro Urdialesko itsaslabarretik erori eta ospitalean hil den 12 urteko mutilaren erreskatearen nondik norakoak azaldu ditu.
Hiru gizon atxilotu dituzte Donostian, biltegi batean indarra erabiliz lapurreta egiteagatik
27 urteko bi gizon eta 29 urteko bat hartu ditu atxilo Ertzaintzak asteazken goizaldean, Intxaurrondo auzoan.