Poliziaren esku jarraitzen du Santurtzin bikotekidea hiltzen saiatzeagatik atxilotutako gizonezkoak
Bikotekidea labana batekin hiltzen saiatzea egotzita, Santurtzin, atzo, igandea, atxilotutako 37 urteko gizonezkoak Ertzaintzaren esku jarraitzen du, epailearen aurrera noiz eramango zain.
Santurtziko etxebizitza batean izan zen erasoa atzo goizean. Ertzaintzak jakitera eman zuenez, erasotzaileak hainbat zauri egin zizkion lepoan eta besoetako batean emakumeari labana batekin, eta leihotik behera botatzearekin mehatxu egin zion. Biktima Gurutzetako Ospitalera eraman zuten, larri zaurituta.
Bere aldetik, Santurtziko Udaleko Bozeramaileen Batzordeak gaur erasoa gaitzetsi du, talde guztiek aho batez onartu duten ohar baten bidez. Adierazi dute erasoek herri horretan ez dutela lekurik.
Halaber, elkarretaratze isila deitu dute 12:00etarako, Udalaren atarian, eta dozenaka herritarrek hartu dute parte.
"Santurtzin eraso matxistarik ez!" leloa zuen pankartari eusten, besteak beste, Aintzane Urkijo Santurtziko alkatea eta Miren Elgarresta Emakundeko zuzendaria egon dira.
Azken horren hitzetan, herritarrek eta erakundeek elkarrekin eman behar diote erantzuna indarkeria matxistari. Prebentzioan eta sentsibilizazioan jarri du azpimarra, emakumeen kontrako indarkeriari aurre egiteko. "Erakundeek egitura oso zabalak ditugu, baina prebentzioa eta sentsibilizazioa dira garrantzitsuenak jarrera matxistak ekiditeko. Eraldaketa soziala behar da halako elkarretaratzeen beharrik ez izateko", esan du.
Ildo beretik mintzatu da Urkijo ere. Haren arabera, indarkeria mota guztiak salatzeko lanean jarraituko dute Udalean, indarkeria hori datorren lekutik datorrela.
Albiste gehiago gizartea
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioak Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.