Epaileak atzera bota ditu Basurtuko bihotz kirurgia sailaren lekualdaketaz Jaurlaritzak jarritako helegiteak
Basurtuko Ospitaleko (Bilbo) Bihotzeko Kirurgia Zerbitzua ixtea eta bertako langileak Gurutzetako Ospitalera (Barakaldo) eramateko proiektua behin-behinean geldiaraztea erabaki zuen joan den azaroaren 4an Arabako Auzitegiak, eta gaur berretsi egin du erabaki hori, Eusko Jaurlaritzako Osasun sailak jarritako helegiteak atzera botata.
Gaur kaleratutako autoan, epaileak dio lekualdatzeak behin-behinean etenda jarraituko duela, eta joan den asteko argudio berak erabili ditu arrazoitzeko. Hau da, "premiazko eta kautelazko etete" hori indarrean egongo da auziaren inguruko erabakia hartzen den bitartean. Hala egin ezean, "kalte konponezinak egongo lirateke errekurtsoa jarri dutenentzat, baita hirugarrenentzat (pazienteak) ere".
Halaber, epailearen arabera, zerbitzua "itxi eta desegiten bada, izateari uzten zaio" eta azkenean, epaia irmo bilakatzen bada, "zerotik berriro martxan jartzea ezinezkoa izango da". "Egoera juridiko itzulezinak sortuko lirateke, eta epaia ez litzateke eraginkorra izango", adierazi du.
Orain, Osasun Sailak 15 eguneko epea izango du, hala nahi izatera, EAEko Justizia Auzitegi Nagusian gaur kaleratutako ebazpenaren aurkako helegiteak aurkezteko. Bide hori hartuz gero, erakunde horrek ebazpena kaleratutakoan, beste epe bat zabalduko litzateke, kasu horretan, Basurtu Bizirik plataformak helegitea aurkeztu ahal izango lukeena. Agertoki horrekin, 2023ko urtarrilera arte luzatu daiteke prozesua.
Hortik aurrera, betiere behin-behineko etenaldiak indarrean jarraituko balu, epaiketa abiatzeko aukera legoke Gasteizko bigarren Auzitegian.
Bere aldetik, Gotzone Sagardui Eusko Jaurlaritzako Osasun sailburuak aurreratu du epai bidean aurrera egingo dutela, eta gaur kaleratutako ebazpenari helegitea jarriko diotela EAEko Auzitegi Nagusian.
Horren hitzetan, oraingoz, etenda geratuko da lekualdatze prozesua, epailearen erabakia bete egingo dutelako, baina epaitegietako bideari ez diote uko egingo, "herritarrei zerbitzu hobea" eskaintzea baita Osakidetzak hartutako erabakien helburua.
Zure interesekoa izan daiteke
Horrela bizi izan zuten lurrikara Kolonbian dauden hainbat euskal herritarrek
Kolonbian dauden euskaldun batzuekin hitz egiteko aukera izan dugu. EHUko medikuntzako ikasle batzuekin eta lagun talde gipuzkoar batekin izan gara. Oraindik gorputzetik beldurra kendu ezinik daude, baina eskertuta onik daudelako.
Osakidetzak arreta oftalmologikoa indartuko du Larrialdietan, eklipsearen ondorioei aurre egiteko
Euskal Osasun Sistemak etengabe jarraituko du asistentzia-jarduera eklipsearen egunean eta ondorengoetan, baliabideak egokituz eta espezialistak aktibatuz.
Villalibado, NASAk eklipsea ikusteko aukeratutako herria
NASAko eta San Frantziskoko Exploratoriumeko 30 bat ikertzailek Villalibado hartu dute, Burgosko probintziako herri erdi abandonatu bat, eguzki-eklipsea jarraitzeko. Fenomeno astronomikoa aztertuko dute eta, gainera, zuzenean emango dute, 10 milioi pertsonak baino gehiagok ikusteko aukera izan dezaten.
Kezka nagusi Euskadin bizi diren kolonbiarren artean: "Komunikazioak kolapsatuta daude"
Johana Garcia Osorio Euskal Herrian bizi diren 19.000 kolonbiarretako bat da. Lurrikara gertatu zenetik, ez dute izeba baten berririk.
Jaurlaritzak LABI alerta-fasean ezarriko du, eguzki-eklipsea eta tenperatura altuengatik
Dispositibo berezia asteazken honetako 15:00etan abiatuko du. Eklipsea gertuko leku batetik behatzea, joan-etorriak saihestea eta betaurreko homologatuak bakarrik erabiltzea gomendatu du Jaurlaritzak.
Asteazkenean hegazkinez bidaiatuko duzu? Hona hemen eklipsea airetik ikusiko duten hegaldiak
19:30etik 20:45era bitartean, dozenaka hegaldik zeharkatuko dute penintsula. Hona hemen eklipsearen den unean airean egongo diren hegaldien zerrenda.
Euskal Herria ilunpetan jarriko duen eklipse historikoaz segurtasunez gozatzeko gida
Asteazken honetan, abuztuak 12, eguzki-eklipse osoa izango da, 1905etik izan ez dugun fenomenoa. Hemen hainbat jakingarri azalduko ditugu: non ikusi, ordutegiak eta begiak nola zaindu, besteak beste.
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.
Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'
Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.
Huelvako Niebla inguruan piztutako suteak kontroletik kanpo jarraitzen du, 20.000 hektarea kiskali ostean
Huelvako baso sutea kontrolatu ezinik jarraitzen dute suhiltzaileek. Niebla inguruan piztutako garrek aurrera jarraitzen dute eta dagoeneko 20.000 hektareako eremua kiskali dute. Ehunka lagun atera behar izan dituzte etxetik.