Gizon bat atxilotu dute Errenterian, urruntzeko agindua urratzeagatik eta bikotekide ohiari erasotzeagatik
Ertzaintzak 42 urteko gizon bat atxilotu du Errenterian (Gipuzkoa), urruntzeko agindu judizial bat urratzeagatik eta bikotekide ohiari erasotzeagatik.
Eusko Jaurlaritzako Segurtasun Sailak jakitera eman duenez, gertakariak joan den ostegun goizean jazo ziren, Errenterian, Herritarren Babeserako patruila etxebizitza batera joan zenean, eraikin horretan izandako balizko gertakari baten berri jaso ondoren.
Bertaratu zirenean, ertzainek emakume bat aurkitu zuten etxetik korrika ateratzen, aurpegian kolpeak zituela. Ondoren, biktima osasun-zentro batean artatu behar izan zuten.
Ertzainak ustez erasoa gertatu zen etxebizitzara joan ziren. Hasiera batean, ustezko inplikatuak ez zien atea ireki, baina gero kolaboratu zuen.
Emakumearen bikotekide ohia zen, eta harengana hurbiltzea eragozten zion urruntzeko agindua zuen. Gizonak neurri hori hautsi zuen, eta emakumearen baimenik gabe agertu eta etxera sartu zen, haserre, eta eraso ere egin zion.
Poliziaren patruilak gizona atxilotu zuen, Emakumearen aurkako Indarkeriaren arloko Epaitegiak emandako babes-agindua urratzeagatik eta genero-indarkeriagatik. Atxilotua Donostiako guardiako epaitegiaren esku utzi dute dagoeneko.
Zure interesekoa izan daiteke
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bakion ostiraletik desagertuta dagoen 14 urteko neska baten bila ari dira
VOST Euskadik 14 urteko Olaiaren desagerpenaren berri zabaldu du. Adingabea uztailaren 31n ikusi zuten azkenekoz Bakion, eta baliteke Bilborako autobusa hartu izana. Haren inguruko informaziorik duenak 112ra deitzeko eskatu dute.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.