16 urtetik gorakoek sexua aldatu ahalko dute gaurtik aurrera Erregistro Zibilean, baldintzarik bete gabe
16 urtetik gorakoek gaurtik aurrera aldatu ahalko dituzte izena eta sexua Erregistro Zibilean, inolako baldintzarik gabe, Trans Legea indarrean sartu ondoren.
Horrela, gaurtik aurrera nahikoa izango da hala nahi duenak idatziz erregistro-aldaketa eskatzea, frogarik eta lekukorik aurkeztu beharrik gabe. Erabaki hori eskatzaileak berretsi beharko du hiru hilabete geroago, eta Administrazioak, berriz, hilabete gehiago izango du aldaketa jasotzeko. Hau da, prozesuak gehienez lau hilabete iraungo du.
Legeak Jose Luis Rodriguez Zapateroren Gobernuak 2007an onartutako testua aldatzen du. Testu horrek gutxienez bi urteko hormonazioa eta genero-disforia egiaztatzen zuen diagnostiko medikoa eskatzen zituen erregistro-aldaketarako.
Arau hau indarrean sartzeak, halaber, izena eta sexua aldatzeko aukera ematen die 14 eta 16 urte bitarteko adingabeei, baina, hala badagokio, gurasoen edo tutoreen baimena izan beharko dute eskaera egiteko. Adingabe batek ez badu haien baimenik, defendatzaile judizial bat izendatuko da gatazka ebazteko.
Gainera, 12 eta 14 urte bitarteko haurrek generoa alda dezakete, baldin eta adingabeak epaile baten baimena badu, epaile horrek haren heldutasuna aztertu ostean; 12 urtetik beherakoek, berriz, ezin dute sexuaren erregistro-aipamena aldatu, baina bai izena, identifikatzen duen generora egokitzeko.
Aitzitik, legeak baimentzen du trans pertsona batek, sei hilabeteren buruan, bere jatorrizko sexura itzultzea eska dezakeela, aldaketa eskatu zuen modu berean. Hirugarrenez aldatu nahi izango balu, azken hitza epaile batek izango luke orduan, eta hark erabakiko luke lege-iruzurraren itxura ote duen.
Legeak LGTBI pertsonen eskubideak bermatzeko neurriak ere jasotzen ditu, hala nola bikote lesbianen seme-alaben filiazioa, ezkonduta egon behar izan gabe.
Gainera, emakume ezkongabeek, lesbianek eta bisexualek laguntza bidezko ugalketarako eskubidea izango dute, eta aniztasunari buruzko prestakuntza jarriko da abian adineko pertsonen laguntzaileentzat, bai eta hezkuntza eta kolektiboaren diskriminazioaren aurkako neurriak ere (lan-arlokoak, sozialak, aisialdikoak...).
'Sexilioa' ere aitortzen da, hau da, pertsona batek herri edo hiri bat uztea, bere inguruan toki horretan jasaten duen diskriminazioa edo LGTBIfobia dela eta, edo konbertsio-terapia gisa ezagutzen direnak debekatzea.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.