Gizon bat atxilotu dute Bilbon, argiteria publikotik kablea lapurtu eta hainbat farola argirik gabe uzteagatik
Ertzaintzak 25 urteko gizonezko bat atxilotu du Bilbon, argiteria publikoa hornitzen duen kablea lapurtzeagatik eta hainbat farola argirik gabe uzteagatik.
Eusko Jaurlaritzako Segurtasun Sailak jakitera eman duenez, ostiral honetako 12:00ak baino lehentxeago, Ertzaintzak jakin zuen kablea lapurtu zutela BI-631 errepideko kutxatiletan, Santo Domingo eta Otxarkoaga artean.
Bertaratutako agenteek gazte bat ikusi zuten bertan, gertaeraren berri eman zuen herritarraren deskribapenarekin bat zetorrena.
Gizona, ertzainak ikusi zituenean, zizaila bat eta zaku bat ezkutatzen saiatu zen linea elektrikoko kutxeta baten atzean. Edukia aztertu ondoren, barruan kablea zegoela egiaztatu zuten.
Era berean, bost kutxatila irekita zeuden, horietako lauk ebakitako kableak zituzten eta ateratzeko prest zeuden, eta bosgarrenak kablea kenduta zuen, zakuan zegoenari zegokiona.
Bertaratu zen linea elektrikoaren mantentze lanetako enpresak egiaztatu zuen kable lapurretak argirik gabe utzi zituela errepidea argiztatzen duten hainbat farola, eta agenteek susmagarria atxilotu zuten orduan, indarrezko lapurreta delitu bat egotzita.
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.