Emakume bat egoera kritikoan, Bilbon, bikotekide ohiak eraso egin ostean
Ertzaintzak 63 urteko gizon bat atxilotu du gaur arratsaldean Bilboko Deustu auzoan, 58 urteko bikotekide ohiari eraso egitea eta erredura larriak eragitea egotzita. Dirudienez, biktimaren arropari su eman dio. Zauritua oso larri Gurutzetako ospitalera eraman behar izan dute.
Eusko Jaurlaritzako Segurtasun Sailak ohar baten bidez jakinarazi duenez, 16:00ak aldera, Bilboko eraikin bateko bizilagunek ohartarazi dute emakume bat larri zauritu dela, antza eraso baten ondorioz.
Poliziak eta osasun langileak bertaratu dira, eta egiaztatu dute biktimak erredura eta ubeldura larriak zituela gorputzeko hainbat ataletan, eta Gurutzetako ospitalera eraman behar izan dute.
Baieztatu ahal izan denez, lesioen eragilea bikotekide ohia izan da, eta haien etxean izandako istilu batean, emakumearen jantziei su eman die. Ustezko erasotzailea tokian bertan atxilotu dute, eta, jarraian, ertzain-etxera eraman dute, beharrezko izapideak egiteko.
Emakumea Gurutzetako Erredura Handien Unitatean ospitaleratuta geratu da. Biktima gertakariak jazo diren etxebizitzan bizi zen duela 15 bat urtetik, Deustu auzoan, eta alaba bat du. Alaba horren aita da ustezko erasotzailea, bertako bizilagunek EFE albiste-agentziari jakitera eman diotenez.
Horietako batek, soinekoaren sua itzali dionak, azaldu du bien arteko harremana txarra zela, eztabaidak ohikoak zirela eta emakumeak behin baino gehiagotan bota zuela etxetik.
Bizilagun horrek kontatu duenez, arratsaldean, biktimaren etxebizitzan oihuak entzun ditu, eta emakumea sutan ikusi du. Horregatik, eskuoihal bat hartu eta gainera bota dio, eta sua itzaltzea lortu du.
Eraso bortitzaren berri izan ostean, Denis Itxaso Espainiako Gobernuak Euskadin duen ordezkariak bere gaitzespena adierazi du sare sozialetan zabaldutako mezu batean.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.