Gaur sartu da indarrean "Bai bakarrik da bai" legearen erreforma
Diputatuen Kongresuak onartu berri duen "Bai bakarrik da bai" legea indarrean sartuko da gaur, apirilak 29, Estatuko Aldizkari Ofizialean argitaratu ostean. Indarkeria eta mehatxua erabiliz egindako sexu-erasoen zigorretan moldaketak egiteko onartutako legearekin, kartzela-zigorrak bi urte luzatuko dira, Berdintasun Ministerioak sustatutako testuaren aldean.
Arau berria 2010eko Zigor Kodeak sexu-erasoarentzat aurreikusitako zigorretara itzuli da, hau da, "Bai bakarrik da bai" legea onartu aurretik izan zuen azken erreforman aurreikusitakora.
Dena dela, aldaketak gaurtik aurrera izango diren sexu-erasoei eragingo die, eta ez dute galaraziko dagoeneko zigorra jaso dutenen berrikusketa, presoek lege lagungarrienera jotzeko aukera baitute. Angeles Carmona Genero Indarkeriaren Behatokiaren presidenteak uste du "sexu-erasoen egileen zigor murrizketa ugari" ikusiko dela aurrerantzean ere.
Botere Judizialaren Kontseilu Orokorraren azken datuen arabera, ia mila sexu-erasotzaileri murriztu diete zigorra, horietako 78ri Hego Euskal Herrian, eta ehun inguru espetxetik atera dituzte urriaren 7an lehenengo legea indarrean sartu zenetik. Irene Montero Berdintasun ministroa, dena den, azken aldaketen kontra agertu da, emakumeentzat atzerakoia delakoan, eta epaileei egotzi die zigorren murrizketen errua.
Aldaketak zigorretan
Legeak, erreformarekin, bere horretan uzten ditu Berdintasun Ministerioak idatzitako legearen lehenengo bi puntuak, eta horrela geratu da: "Onespena dagoela jakingo da libreki eta modu argian adierazten denean ekintzen bitartez pertsonaren borondatea", eta "sexu ekintza guztiak sexu-erasoak izango dira indarkeria, mehatxua edo gailentasun edo biktimaren zaurgarritasun egoera bat baliatzen bada".
Baina erreforma berrian hirugarren puntu bat gehitu dute hauxe adierazteko: "Erasoa egitean indarkeria edo mehatxua erabiltzen bada edo edozein arrazoirengatik biktimaren borondatea baliogabetuta badago, egileari urte batetik bostera arteko kartzela-zigorra ezarriko zaio".
Horren harira, 179. artikulua ere aldatu dute. "Bai bakarrik da bai" legean sarketa duten erasoentzat (bortxaketak) 4 eta 12 urte arteko zigorra aurreikusten zen, eta arau berrian agertzen denez, bortxaketarako indarkeria edo mehatxua erabili bada, zigorra 6 eta 12 urte artekoa izango da, 2010eko erreforman bezalaxe.
Larrigarriei dagokienez, aurreko zigor kodera itzuli da testu berria, baina proposamen berrira egokituta eta indarkeria duten ez duten sexu-erasoak bereiziz. Hala, 2 eta 8 urte eta 7 eta 15 urte arteko kartzela-zigorrak aurreikusten dira sarketarik ez duten eta sarketa duten sexu-erasoentzat, hurrenez hurren; eta aurreko zigor kodeko 5 eta 10 urte eta 12 eta 15 urte arteko zigorrak berreskuratzen dira, indarkeria erabiltzen bada sarketa gabeko edo sarketa duten sexu-erasoetan, hurrenez hurren.
Gainera, jatorrizko legearen akats tekniko batzuk ere aldatu dituzte.
Zure interesekoa izan daiteke
Azken agurra Santanderreko pasabidea hautsi eta itsasora erorita hil ziren gazteei
Barakaldoko eta Balmasedako beilatokiak eta Igollo de Camargoko (Kantabria) eliza txiki geratu dira Santanderren itsasora erorita hil ziren gazteak gogoratzeko eta azken agurra emateko.
Bullyinga egiten duten ikasleak ikastetxetik kanporatuko dituzte Nafarroan
Bizikidetzari buruzko Foru Dekretu berriak tratu txarren edo indarkeriaren kasu larrietan ikasleak eskolatik kanporatzea ere aurreikusten du. Neurriaren helburua da biktimak babestea eta haien ongizate emozionala bermatzea.
Santanderko pasabidea hautsita zegoela ohartarazi zuten istripuaren aurreko egunean, baina abisua ez zen izapidetu
Udaltzaingoak abisua jaso zuen, baina ez zuen inolako jarduketarik egin. Hala, jakinarazpena paper batean jaso zuten, baina mahaian bertan geratu zen.
24. Korrikak euskararen ezagutza unibertsala aldarrikatu du Iruñean
Aurtengo leloa, "Euskara Gara" komunitatearen izaera irekia eta askotarikoa azpimarratzeko hautatu dute. Korrikak bildutako baliabide ekonomikoak euskararen normalizazioaren aldeko lana indartzera bideratuko dira.
14 urteko kartzela-zigorra ezarri diote gizon bati Donibane Lohizunen, bi adin txikiko bortxatzea leporatuta
Erasoak 2012. urtean hasi ziren bikotekide ohiaren etxean, biktimetako batek 6 urte besterik ez zituenean. Erasotzaileak gertakariak onartu ditu, eta adin txikikoak bortxatu eta sexualki erasotzea leporatu dio epaileak.
Eusko Jaurlaritzak baieztatu du gero eta biktima gazte gehiago daudela indarkeria matxistagatik jasotzen diren deietan
2025ean, SATEVI zerbitzuak 2.054 eskatzailek egindako 3.087 arreta telefoniko erregistratu zituen, eta % 90 baino gehiago bikotekideak edo bikotekide ohiak eragindako indarkeriari lotuta izan ziren.
Horrelakoak dira euskal gazteak: prestatuak eta toleranteak, baina emantzipatzeko arazo handiak dituzte
Gazteen Euskal Behatokiak argitaratutako 'Gazteen Adierazleak' txostenak euskal gazteen erradiografia interesgarria eskaini du. Gazteen % 72,6k seme-alabak izan nahi dituzte, baina atzeratu beharko dutela uste duenak inoiz baino gehiago dira.
Santanderko pasabidea hautsi zenetik bila zebiltzan neskaren gorpua topatu dute
Asteartean istripua gertatu zenetik, gorpua agertu den inguruetan ari ziren 20 urteko Guadalajarko neskaren bila. Asteartean bertan topatu zituzten horren bost lau ikaskide eta begiralearen gorpuak (horietako hiru euskal herritarrak), pasabidea igarotzen ari zirela hori hautsi eta uretara erori ziren denak. Neska arabar bat da istriputik bizirik atera den bakarra.
El Bocaleko istripuan erreskatatutako gazteak egonkor jarraitzen du eta kontziente dago
19 urteko gaztea asteartean ospitaleratu zuten, "sabeleko traumatismo larria" zuela. Santanderreko itsaslabar bat zeharkatzen duen pasabide bat haustean, Bocal inguruan, beste sei lagunekin batera metro batzuk erori zen arroka artera. Gaurko egunean zehar, traumatismo horren bilakaera baloratzeko hainbat proba egingo dizkiote gazteari.
Euforia eta emozioa Realeko jarraitzaileen artean, Errege Kopako finalerako txartela lortuta
Realeko milaka jarraitzaile Sevillara begira daude dagoeneko, apirilaren 18ko Errege Kopako finala gertutik bizitzeko ilusioarekin. 2021ean ikuslerik gabe jokatu behar izan zen finalaren ondoren, realzaleek finalaren esperientzia bizi nahi dute.