"Agurain euskaldun bat amesten dugu, Lautada euskaldun baten baitan" aldarrikatu dute Araba Euskarazen
Euskararen eta euskal kulturaren alde, "elkarrekin", egin daitekeen bide luzea agerian utzi du gaur Araba Euskaraz ikastolen aldeko jaiak. Goizetik, "Elkar-EKIN" lelopean, milaka herritar batu dira Olarizuko zelaiguneetan.
Goizean goiz euria egin duen arren, hurrengo orduetan ateri egon du, eta horri esker "ikastolazale andana hurbildu da Araba Euskaraz ospatzera". Ildo horretatik, "beste behin ere Arabako ikastolen mugimenduak jaso duen babes eta laguntza" nabarmendu dute antolatzaileek ohar batean.
Aurreko edizioan bezala, oraingoan ere, Arabako zortzi ikastolen artean antolatu dute jaia, elkarlanean, auzolanean, eta, aurten, bildutako dirua Aguraingo Lautada ikastolarentzat izango da, "Agurain euskaldun bat amesten dugulako, Lautada euskaldun baten baitan", azpimarratu du Unai Mendizabal Arabako Ikastolen Elkartearen presidenteak jaialdiari hasiera eman aurretik egindako aurkezpenean. Gari Suarezek eta Maddi Agirrek gidatu dute ekitaldia, eta parte hartu dute baita ere, Xubton Stilt jazz taldeak, Antton Aranburu kantariak eta Lautada ikastolako ikasleek.
Amets hori egia bihurtzeko lanean ari direla azpimarratu du Mendizabalek, eta azaldu du ikastolak ez zirela sortu soilik bertako hezkuntza eredua iraultzeko bakarrik, "euskararen egoera irauli, euskaraz egin eta euskaraz eragiteko jaio ginen". Ildo horretan, iragarri du Arabako ikastolek euren prestutasuna berresten dutela hezkuntza eredu propioa gorpuzten laguntzeko, "inoren kontra eginez eta denen alde, kalitatezko hezkuntza eredu moderno, eraldatzaile, batzen duena eta eredugarri baten bidean. Hori da Arabako zortzi ikastolon ortzi-muga".
Horretarako, ezberdinen arteko gaitasunean eta konpromisoan sinesten dutela azaldu du Mendizabalek eta, hortik abiatuta, bidea egiteko, "ekiteko", deia egin du. "Benetan, euskal hezkuntza sistema berri batean sinisten badugu, batu gaitezen denok. Hartu dezagun esperientzia ezberdinetatik onena etorkizuneko Euskal Herriari ateak zabaltzeko. Badugu zeri ekin", amaitu du.
Arabako Ikastolen Elkartearen presidentearen ostean, Gorka Urtaran Gasteizko alkateak, Maria Begoña Pedrosa Hezkuntza sailburuordeak eta Ramiro Gonzalez Arabako ahaldun nagusiak hartu dute hitza. Ondoren, urtero legez, Unai Mendizabalek euskararen eta euskal kulturaren alde egindako lana aitortzeko omenaldia gidatu du. Oraingoan, Bostak Bat elkartea nabarmendu dute, aurten betetzen dituelako 40 urte euskara hutsean egindako sinonimoen lehenengo hiztegiak. Hala, euskara ikertu, egokitu eta zabaltzeko egindako lanari omenaldia egiteko, Patxi Uribarren arabar euskaltzain emerituak eta Jose Luis Goikoetxea ohorezko euskaltzainak jaso dute aitortza.
Ekitaldian Arabako ahaldun nagusi Ramiro Gonzalezek, Eusko Jaurlaritzako Hezkuntza sailburuorde Begoña Pedrosak eta Gasteizko alkate Gorka Urtaranek ere hartu dute hitza. Ikastolen lana balioan jarri du Urtaranek, gainerako hizlariek bezala, eta aurrera ere ikastolek egiteko asko dutela azpimarratu du.
Egun osoko jaia
Araba Euskarazek familia eta adin-tarte ezberdinetako pertsonei aisialdirako eta ongi pasatzeko espazioak eskaini dizkie egun osorako, euskaratik eta euskaraz. Ohi bezala, EITBk txoko berezia izan du bertan, kasu honetan 1.gunean, Lautada izenekoan. Bertan kokatuko da 3 klubaren espazioa, eta klubeko kide egiteko aukera egon da 11:00etatik 18:00etara. Horrez gain, 17:00etatik aurrera "Go!azen: Karaokea" emanaldia eskaini du EITBk eta, telesaileko hiru aktoreren eskutik, abestu eta dantzatzeko aukera izan dute gaztetxoek.
Arabako zortzi ikastolak elkarrekin aritu dira 23. edizio honetako jarduera guztiak antolatzen, "auzolana eta elkarlana ardatz hartuta, eskuz esku, buruz buru, jakintza elkarbanatuz eta harremana aberastuz", arduradunek nabarmendu dutenez. Helburu nagusienetako bat elkar ezagutza sustatzea da, Lautada Ikastolaren hezkuntza proiektua ikusaraziz, harremanak estutuz eta saretzeko topalekua bihurtuz.
Lautada Ikastola, 2008. urtean sortu zuten, eta 250 ikasle eskolatzen dituzte urtero, kalitatezko hezkuntza euskalduna eskainiz. Logotipoari dagokionez, 'EKIN' hitza bera hartu da iruditzat. Dena dela, aditzak marratxo bat darama aurretik, "bera bakarrik dagoenean aditza izango delako, baina, beste hitz batzuekin lotuta, deklinabide atzizki gisa erabiliko dugulako".
Testuinguru horretan, hitz horrekin jolastu du Ttek! Gasteizko elektrotxarangak abestia sortzeko: "Elkar-EKIN". Hain zuzen ere, Malen Urbegain, Aguraingo Lautada ikastolako irakaslea, da letraren egilea. Emaitza, funk eta pop doinuak dituen abesti alai eta dantzagarria da:
Batzen gaituzten emozioak
Urtero bezala, EITB Ikastolen Elkarteko ospakizunetan bidelagun eta babesle nagusi izango da, bi entitateen arteko aliantza berretsita. Hala, EITBren medioek Araba Euskaraz jaiko jarduera eta ekitaldien berri eman dute, telebistan, irratian zein webgunean.
Zure interesekoa izan daiteke
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa ingurua vs hirigune handiak: hirietako bi autoko hiru daude landaguneetan
Trafiko Zuzendaritza Nagusiaren (DGT) azken erregistro ofizialen arabera, Hego Euskal Herriko landa-ingurunean metropoli-eremuetan baino % 55 auto gehiago daude biztanleko, eta kasu batzuetan herriko bizilagunen kopurua gainditzen dute.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.
Genero-arrakala, Euskadiko mugikortasunean: Gizonezkoen joan-etorrien % 46k autoa erabiltzen dute eta emakumezkoen % 50 oinez
Eguneroko joan-etorrien % 40 autoz egiten dira. 19 urtetik beherakoak mugikortasun jasangarriaren buru dira, haiek baitira bizikleta eta garraio publikoa gehien erabiltzen dituztenak.
Autoa, Hegoaldean: gero eta zaharragoa, dieselak nagusi jarraitzen du eta elektrikoen presentzia oso txikia da
Euskadiko eta Nafarroako turismoen batez besteko adinak bi urte baino gehiago egin du gora (ibilgailuek 12 urte dituzte, batez beste). Errekuntzakoak (diesela eta gasolina) nagusitzen dira, eta ibilgailu elektrikoen kopurua oso txikia da (% 2tik beherakoa).
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.