Turismo "berdea" Euskadin, goraka doan sektorea
Ingurumenarekiko errespetua lortzeko kontzientzia gero eta handiagoa den honetan, azken boladan hotel eta ostatuen sektoreak ere jasangarritasunaren aldeko apustua egin du. Hala, Euskadin gaur-gaurkoz Europako etiketa ekologikoa duten 37 turismo-ostatu daude, eta liderra da Estatuko rankingean. Gainera, Europako helmuga nagusietako bat da halako azpiegituretan, beste herrialde batzuen aurretik.
Baina, zer da ostatu edo hotel jasangarri bat? Zer-nolako ezaugarriak ditu? Europako etiketa ekologikoa duten hotel horiek, beren kontsumoak minimizatzeaz eta kontrolatzeaz gain, besteak beste, berokuntza- eta argiztapen-ekipamendu efizienteak dituzte, baita ura aurrezteko gailuak ere, eta tokiko produktuak eta produktu ekologikoak eskaintzen dizkiete bezeroei.
Hotel jasangarri baten ezaugarriak
Gorane Ibarra Ihobeko (Eusko Jaurlaritzako Ingurumen Jarduketarako Sozietate Publikoa) Komunikazio Korporatiboko arduradunak esan digu 2018 eta 2019an izan zela bultzada handiena eta orain mantentzen ari dela eskaera. "Euskadin une honetan 37 ostatu ditugu Europako etiketarekin, baina datozen asteetan 40 izango dira", zehaztu du.
Ostatuen artean gero eta etiketa ekologiko gehiago dagoela adierazi du; izan ere, horren aburuz, ostatuentzat "oso garrantzitsua da bezeroen iritzia, eta horiek ere gero eta garrantzi gehiago ematen diete gai hauei".
Europa mailan Euskadi liderra da: "Euskadin administrazioak bultzatu du tresna hau ostatuetan, baina ez dirulaguntzen bidez, beraien alboan egonda eta laguntza teknikoa emanda baizik".
Eusko Jaurlaritzako Ekonomiaren Garapen, Jasangarritasun eta Ingurumen Saila da gurean ostatuen instalazioetan ingurumen-irizpide zorrotzak betetzen direla egiaztatzeko eskumena duen organoa, Ingurumen Jasangarritasuneko Sailburuordetzaren bitartez.
Eskakizun horien artean hauek daude: ingurumena kudeatzeko eta kontrolatzeko sistema dokumentatu bat ezartzea, ingurumen-jarduna hobetzeko erregistroak eta neurketak eskatzen dituena; ingurumen-arloko legeria betetzea, baita aplikatu beharreko sektore- eta lan-legeria ere; eremu desberdinetan ezartzen diren 22 nahitaezko irizpide betetzea (kudeaketa orokorra, energia, ura, hondakinak eta hondakin-urak, eta beste irizpide batzuk, hala nola garraio jasangarria); eta gutxieneko puntuazio bat lortzea hautazko irizpideen multzo bati dagokionez, ostatuak eskaintzen dituen zerbitzuen arabera.
Mutrikuko Arbe hotelean, Euskal Kostaldeko Geoparkean, etiketa lortzeko hartu dituzten neurriak azaldu dizkigute (2018tik du Europako etiketa ekologikoa), eta Euskadiko hotel jasangarrien zerrendan sartu da. Iñaki Arin jabeak adierazi duenez, egunero ahalegintzen dira hotel iraunkorragoa izaten.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.