Alboko Esklerosi Amiotrofikoa (ELA) duten 40 kasu diagnostikatzen dira urtero Euskadin
Alboko Esklerosi Amiotrofikoaren (ELA) 40 kasu diagnostikatzen dira urtero Euskadin, ADELA elkarteak asteazken honetan zabaldu dituen datuen arabera. Honezkero, 140 pertsonak pairatzen dute gaixotasun hilgarri eta neurodegeneratibo hori Euskal Autonomia Erkidegoan (EAE).
Urtero bezala, ekainaren 21ean, Alboko Esklerosi Amiotrofikoaren (ELA) aurkako Munduko Eguna ospatzen da. Gaur egun, sendabiderik ez duen gaixotasun hilgarria da, eta gaixoen batez besteko bizi-itxaropena 2 eta 5 urte bitartekoa da. Arrazoi horregatik, gaixotasun hori dutenei laguntzeko lege berri bat eskatu dute kaltetuek.
ADELA elkarteak gogora ekarri duenez, patologia hori "bereziki ankerra" da, paralisi progresiboa baitu ezaugarri gisa: pazienteak gorputzaren mugikortasuna galtzen du, konortea mantentzen duen bitartean.
Elkarte horren hitzetan, Euskadin 40 kasu diagnostikatzen dira urtero. Iaz, 6 kasu diagnostikatu zituzten Araban (gaixotasun hori duten 22 pertsona bizi dira bertan), 14 Gipuzkoan (46 dira guztira) eta 22 Bizkaian (74 guztira).
Testuinguru horretan, ahalik eta epe laburrenean, ELA duten pazienteentzat "lehen egoitza integrala errealitate bihurtzeko" eskatu die elkarte horrek Legebiltzarreko taldeei, alderdi politikoei eta erakundeei, horretarako lege berri bat sortuta.
Albiste gehiago gizartea
Edurne eta Zeledon Txikiren jaitsierak Andre Maria Zuriaren plaza bete du txikien egunean
Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.
Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko
Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.
Osakidetzak haurrei I motako diabetesa goiz detektatzeko Estatuko lehen azterlana abiatu du
6.000 pertsonak baino gehiagok parte hartuko dute Euskadiko Osasun Zerbitzuak zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.
PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian
Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.
EAEk 2.355 biztanle irabazi ditu bigarren hiruhilekoan, atzerritarren etorrerari esker
Jatorriari dagokionez, Araban, Bizkaian eta Gipuzkoan bizi diren atzerritar gehienak Kolonbian (1.400), Marokon (830) eta Venezuelan (760) jaiotakoak dira.
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik asteartean piztu ziren biekin. Sutea garagar eta gari uzta jasota dagoen galtzu soro batean hasi da, baina basoa gertu du.
EHUk Bakearen aldeko Adierazpena sinatu du Hiroshiman, eta Bengoetxea errektoreak Gazako sarraskia salatu du
Joxerramon Bengoetxeak "memoria ariketaren garrantzia" azpimarratu du. "Unibertsitateok gure esku dagoena egitera behartuta gaude, errepika ez dadin eta gertatutakoa ahaztu ez dadin", erantsi du.
Beroa Eukal Herrian: osasun alerta gorria Nafarroan, eta abisu horia EAEn eta Iparraldean
Ostegunetik aurrera tenperatura altuak izango dira, eta Nafarroako Erriberan 40 gradura iritsiko dira. Aurreikuspenen arabera, balio horiek igandera arte mantenduko dira, gutxienez. Gainera, ostiralean tenperatura maximoak 35 gradutik gorakoak izan daitezke, ez bakarrik Arabako hegoaldean, baita Kantauri isurialdeko barnealdean ere.
Paketatzeko makina batek eragin zuen Izarbeibarko sutea
Sua kontrolpean dute jada suhiltzaileek. Bilakaera onari esker, Nafarroako Gobernuak malgutu egin du nekazaritzako lanak debekatzen zituen agindua.
Gidari batek mugikortasun-agente bat aurretik eraman du, 5 metro arrastaka eraman ere, aparkalekura sartu nahi zuelako, Donostian
Agentea hiriburuko geltokian dagoen aparkalekuko sarreran zegoen, autoei sartzea galarazten, beteta baitzegoen. Une horretan azeleratu eta parkingera sartzen saiatu zen, eta aurretik eraman du agentea. Atxilotu egin dute autoaren gidaria.