Motorzale bat larri zauritu da GI-20 errepidean, Errenteria parean, auto batekin talka egin ostean

Motorzale bat larri zauritu da eta ospitalera eraman dute GI-20 errepidean, Errenteria parean, auto batekin talka egin ostean.

Eusko Jaurlaritzako Segurtasun Sailak jakinarazi duenez, ezbeharra 17:30 aldera gertatu da, ikertzen ari diren arrazoiengatik, auto batek eta motor batek talka egin dutenean GI-20 errepideko 2. kilometroan, Errenteria parean, Irunerako noranzkoan.

Osasun-langileak bertaratu dira, eta motor-gidaria ospitalera eraman dute. Ertzaintza ere bertan izan da trafikoa bideratzen, eta errepidea 18:30 aldera ireki dute berriro.