Abisu horia euriagatik Bizkaian eta Gipuzkoan, eta ekaitzengatik Nafarroan
Aemet meteorologia agentziak jakinarazi duenez, Bizkaiko eta Gipuzkoako kostaldean abisu horia ezarri dute igande honetan euriagatik, eta Nafarroako erdialdea abisu horian dago ekaitzengatik.
Nafarroan, 17:00etan sartu da indarrean abisua gauerdira arte, eta isurialde atlantikoan, berriz, ordubete geroago, 18:00etan. Azken hori asteleheneko 03:00ak arte egongo da indarrean.
Aurreko egunetakoa baino giro nahasiagoa izan da gaurkoa. Hala, hodei dezente izan dira goizean iparraldean, eta ostarteak zabaldu dira arratsaldean. Nafarroa erdialdean eta hegoaldean, eta Araba hegoaldean, giro eguzkitsua izan dugu egunaren zatirik handienean. Arabako gainerako lekuetan, goizean jaso du, eta arratsaldean ostarteak ireki dira iparraldean.
Arratsalde-gau partean, bero-hodeiak garatu dira, eta litekeena da zaparrada trumoitsu batzuk botatzea; txingorra ere bota dezake, bereziki ekialdean. Tenperaturan ez dugu aldaketa handirik sumatuko, eta zenbait tokitan apur bat jaits litezke.
Astelehenari dagokionez, ez dugu aldaketa handirik espero. Igandeko eguraldiak jarraipena izango du; goizean, hodei gehiago egongo dira iparraldean, eta arratsaldean, ostarte gehiago. Hegoaldean, giroa eguzkitsua izango da, oro har.
Arratsalde-gau partean, bero-hodeiak garatuko dira, eta zaparrada trumoitsuren bat bota dezake tarteka. Tenperaturan, aldaketa gutxi izango dira, baina goranzko joera izango du.
Bukatzeko, asteartean, hodei dezente agertuko dira. Isurialde atlantikoan pilatuko dira gehien, baina hegoalderaino ere helduko dira. Isurialde atlantikoan, goizean, baliteke zirimiri apur bat egitea.
Arratsalde-gauean, zaparrada trumoitsuak bota ditzake. Haizea iparraldetik etorriko da, eta tenperatura jaitsi egingo da.
Albiste gehiago gizartea
Gizon batek emaztea eta 3 urteko semea hil ditu Valentzian
Gaur goizean izan dira hilketak, Algemesi herriko etxebizitza batean. Erasotzailea atxilotu egin dute.
Atzoko ekaitzak uholdeak eta kalteak eragin ditu eta hainbat ekitaldi bertan behera utzi behar izan dituzte, batez ere Bizkaian
Ekaitz handi batek Euskadi goitik behera zeharkatu zuen atzo arratsaldean, eta gorabehera handiak utzi zituen, batez ere Bizkaiko hainbat udalerritan. Uholdeak izan ziren, eta azpiegituretan kalteak ere bai: hainbat jaitako ekitaldiak bertan behera utzi behar izan zituzten.
"Bruce Springsteenek garrantzi berezia eman nahi izan dio euskarari Donostiako bi kontzertuetan"
Amaia Ispizua Get In enpresako promotoreak Bruce Springsteenek Anoetan interpretatu dituen bost abesti euskaratu ditu. "Askatasunaz hitz egiten duten abestiak dira, eta Trumpen administrazioa hartzen ari den ildoaren aurkakoak dira", adierazi du Ispizuak.
Euskarak BAME azterketan nola puntuatuko duen aztertzen ari da Osasun Ministerioa, baina "ez da aurretiazko baldintza izango”
Gainera, hizkuntzak ez du BAME azterketako baremazioa aldatuko, Monica Garcia ministroak Kongresuko Osasun Batzordean esan duenez.
Kamioi batek su hartu du AP68 errepidean, Zuian
Autoak zeramatzan kamioi batek su hartu du AP68an, Zuian, Zaragozarako noranzkoan. Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.
Sexu-esplotazioko sare batean zeuden 12 emakume askatu dituzte Euskadin
Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.
Lau pertsona atxilotu dituzte sei probintziatako supermerkatuetan 36 lapurreta egiteagatik
Lapurretak 2024ko uztailetik 2025eko apirilera bitartean egin ziren Burgos, Kantabria, Gipuzkoa, Nafarroa, Araba eta Bizkaiko hainbat supermerkatu-katetan.
Arabako Auzitegiak gizon bat epaituko du asteazken honetan, emaztea eta bien alaba adingabeak behin baino gehiagotan bortxatzea leporatuta
Fiskaltzaren eta akusazio partikularraren arabera, gizonak tratu txarrak ematen zizkion emakumeari eta behin baino gehiagotan bortxatu zituen bikotekidea eta bi neskatoak.
Hilketa matxista: gizon batek bikotekidea hil du Getafen
Gertakariak Madrilen jazo dira. Bizilagunek Poliziari ohartarazi diotenez, gizonezko bat oihuka ari zen, emaztea hilko zuela ohartaraziz.
Artolazabalek gaitzetsi egin ditu Gasteizko lorezainen grebaren testuinguruan jasan dituen "erasoak"
Azken protesta San Joan jaien bueltan gertatu da, bart: lorezainek Beatriz Artolazabalen aurpegidun panpina bota dute Judimendi auzoko sutara. Gasteizko Udalak dagoeneko adostu du gaitzespen testua bozeramaileen ezohiko batzordean; ez da aho batez adostu, baina, EH Bilduk ez baitu ekintza gaitzetsi. "Isilik daogena ere erruduna da", adierazi du Artolazabalek.