Ipar Euskal Herria
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Hil egin da Donibane Garazitik gertu izandako istripuan larri zauritutako 26 urteko emakumea

Ezbeharra igandean jazo zen, bi ibilgailuk aurrez aurre talka eginda. Autoetako batean zihoan emakumea larri zauritu zen, eta atzo zendu zen ospitalean.

EITB MEDIA

Azken eguneratzea

Igandean, Buztintze-Hiriberrin, Donibane Garazitik gertu, jazo zen trafiko-istripuan larri zauritutako 26 urteko emakumea ospitalean hil da biharamunean, astelehenarekin, Sud Ouest egunkariak jakinarazi duenez.

Ezbeharra igande eguerdian jazo zen, 12:55 aldera. Bi ibilgailuk aurrez aurre egin zuten talka, eta gidarietako bat, 26 urteko emakumea, bihotz-biriketako geldialdia zuela heldu zen Baionako erietxera. Bertan hil da biharamunean.

Beste ibilgailuan zihoazen 33 urteko emakume bat eta 7 urteko haur bat arin zauritu ziren, eta ospitalera eraman zituzten. Ibilgailu berean zihoazen 35 urteko gizon bat eta 4 urteko beste haur bat, berriz, onik atera ziren.

Gizartea Trafiko Istripuak Iparralde Donibane Garazi Eguneko Titularrak Trafiko istripuen biktimak

Zure interesekoa izan daiteke

Gehiago ikusi
Publizitatea
X