Luis Rubialesek uko egin dio Espainiako Futbol Federazioko presidente karguari
Luis Rubiales Espainiako Futbol Federazioko presidenteak, FIFAk 90 egunez kargutik kendu duenak, kargua utziko duela iragarri du igande honetan.
"Gaur, 21:30ean, Espainiako Futbol Federazioko presidente karguari uko egingo diodala jakinarazi diot Pedro Rocha jarduneko presidente jaunari. Halaber, jakinarazi diot gauza bera egin dudala UEFAn dudan karguarekin, Presidenteordetzan dudan postua ordezkatu ahal izateko", adierazi du X sareko kontuan (lehengo Twitter).
Federazioko presidente ohiak adierazi duenez, FIFAk 90 egunez behin-behinean kargutik kendu eta haren aurka prozedurak ireki dituela ikusita, "argi dago" ezin izango dela bere kargura itzuli, eta, beraz, "tematzeak" eta karguari eusteak ez dio "ezer positiborik" ekarriko, ez Espainiako Futbol Federazioari berari, ez Espainiako futbolari.
"Egiarekiko fedea dut, eta nire esku dagoen guztia egingo dut nagusi izan dadin", azpimarratu du Rubialesek. "Nire alabek, familiak eta maite ditudan pertsona askok neurrigabeko jazarpenaren ondorioak jasan dituzte, baita faltsukeria asko ere, baina egia da kalean, gero eta gehiago, egia nagusitzen ari dela", erantsi du.
Amaitzeko, langile, batzarkide, federazioko kide eta futbolariei zorte ona opa die, eta eskerrak eman dizkie babesa eman diotenei.
Luis Rubialesek karguan bost urte eman ostean utzi du Espainiako Futbol Federazioa, emakumezkoen Munduko Txapelketako finalean gertatutakoaren ostean eta abuztuaren 25eko Ezohiko Batzar Nagusian ziurtatu ondoren ez zuela dimisioa emango.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.