Espainia prest agertu da EBn euskara, katalana eta galegoa ofizial egitearen kostuak bere gain hartzeko
Espainiako Gobernua prest agertu da Europar Batasunean euskara, katalana eta galegoa ofizial egiteak eragingo lituzkeen kostuak bere gain hartzeko. Datorren asteartean bilduko da EBko Gai Orokorren Kontseilua eta han landuko dute gai hau. Gaur, batzar hori prestatzeko bildu dira estatu kideak eta ordezkari espainiarrek euren proposamena bertan aurreratu dute.
Iturri ofizialek baieztatu dutenez, gutxienez hamalau estatu kidek zalantzak agertu dituzte hiru hizkuntzok Europar Batasunean ofizial egitearen inguruan, tartean, Suediak eta Finlandiak. Bi herrialde horiek publikoki adierazi dute gaiak eragiten dien kezka, bereziki, arlo ekonomikoan, eta zerbitzu juridikoei txostena eskatu diete, proposamena bideragarria den ziurtatzeko.
Helsinkiko Gobernuak, bere aldetik, ohar batean adierazi du euskara, katalana eta galegoa ofizial egiteak kostu ekonomikoa handitzea ez ezik, lan-karga administratiboa areagotzea ere ekarriko lukeela, eta erakundearen jarduna "moteldu". Hori guztia aztertzea eskatu du.
Ildo beretik, Suediako Gobernuak uste du halako neurri batek izango lituzkeen ondorioen inguruko azterketa beharrezkoa dela ezer erabaki aurretik.
Junts per Catalunya eta Esquerra Republicana alderdi katalanek hizkuntza koofizialei buruzko akordioa itxi zuten abuztuan PSOErekin eta Sumar mugimenduarekin, Francina Armergol Diputatuen Kongresuko presidente izatea ahalbidetzeko. Trukean, besteak beste, Espainiako Gobernuak Europar Batasunari euskara, katalana eta galegoa hizkuntza ofizial gisa onar ditzala eskatzea adostu zuten. Eta horretan aritu da Espainiako Gobernua azken asteotan, estatu kideen babesaren bila.
Gaurko batzarraren ondotik, ordezkari espainiarrek onartu dute "txosten juridikoak" eskatu dituztela hainbat kidek, baina "ezezko borobilik" inork ez duela eman azaldu dute.
Albiste gehiago gizartea
Euskadin, hildakoen batez besteko adina 81,7 urtekoa da
2024an guztira 22.392 heriotza izan ziren, aurreko urtean baino % 0,4 gehiago, Eustat Euskal Estatistika Erakundeak argitaratutako azken datuen arabera.
Fiskaltzak eginbideak abiatu ditu Murtziako Voxen presidentearen kontra, gorroto delituak egitea leporatuta
Fiskaltzak ohar bidez zehaztu duenez, Jose Angel Antelok Torre Pachecoko istiluak direla eta egindako adierazpen publikoak eta sare sozialetan argitaratutako testuak ikertuko ditu, delitu zantzurik ote dagoen argitzeko.
300.000 ikus-entzulek baino gehiagok egin dute bat ETBren sanferminetako entzierroen emanaldiekin
Goizero, batez beste, % 12,1eko ikusle-kuota lortu du ETB1ek. Autengo datua iazkoa halako lau izan da.
Udaleku bat itxiarazi dute Bakion, hainbat gurasok gunea osasungaitza zela salatu baitute
Zenbait gurasok salatu dutenez, udalekuetarako Bakioko etxe bat egoera osasungaitzean zegoen eta, ondorioz, zigilatu egin dute. Hauek dira salaketa jarri duten gurasoek bidalitako argazkiak.
Ertzain-etxean jarraitzen dute Ordizian hainbat ertzaini eraso egiteagatik atxilotutako bi lagunek
Biak datozen orduetan epailearen aurrera eramateko zain daude, Eusko Jaurlaritzako Segurtasun Sailak jakinarazi duenez.
Eskuin muturreko talde batek kebab bati egindako erasoa, Torre Pachecon
Gutxienez bederatzi pertsona atxilotu dituzte Torre Pachecon (Murtzia), igande honetan izandako kebab salmenta negozio bati egindako eraso bortitzarekin zerikusia dutelakoan.
Polizia-kargak izan dira gauean Torre Pachecon, baina atxiloturik ez; arratsalderako ultraeskuindarrek protesta deitu dute sare sozialen bidez
Guardia Zibilak kargak egin ditu gauean, baina ez dute inor atxilotu. Eskuin muturreko taldeek deialdia egin dute arratsalderako, sare sozialen bidez, eta hori dela eta, polizia-dispositiboa indartu dute.
Iruñeak agur esan die sanferminei datorren urtera arte
"Gora 2026ko sanferminak!" oihukatuz agurtu dituzte aurtengo jaiak ekitaldi jendetsu batean, udaletxeko balkoitik bertatik, uztailaren 6an txupinazoa bota zuten lekutik bertatik. "Pobre de mí, Pobre de mí, que se han acabado las fiestas de San Fermin" eta "1 de enero, 2 de febrero, 3 de marzo..." ohiko kantak abestu dituzte. Amaieran, plazan eta inguruko balkoietan zeuden milaka pertsonek Sanferminetan eraman duten zapi gorria lepotik kendu dute, eta garbitu eta lisatu ondoren, 2026ko uztailaren 6an berriz jantziko dute.
Errenterian atxilotu dute Torre Pachecon gizon bati egindako erasoan inplikatutako hirugarren pertsona bat
Ertzaintzak Errenterian atxilotu egin du, Irunerako tren bat hartzera zihoala, antza denez, muga zeharkatzeko asmoz. Gertakaria aitzakia hartuta, Murtziako herrian istilu arrazistak izan dira. Espainiako ultraeskuinak pertsona migratzaileen kontrako ehizaldia abiatu du Torre Pachecon.
Ibai Uribek Mandubiara 25 aldiz igotzeko erronka bete du, aitaren omenez: "Minak ez du ideologiaz ulertzen"
Indarkeriak bere familiari jarri zizkion aldapen metafora gisa planteatu zuen erronka hau Ibai Uribek. Azkenean, hunkituta eta eskertuta agertu da, senide, lagun eta aitaren moduan ETAren helburu izan ziren hainbat pertsonak eman dioten babesagatik.