Larunbat arratsaldeko euri eta txingor erauntsiaren ostean, barealdia iritsi da Bizkaira
Larunbat arratsalde-iluntzean ekaitzak gogor jo zuen Bizkaian, eta euri eta txingor oldeak kaleak urez estali zituen Bilbon, Txorierrin eta Nerbioi-Ibaizabal inguruan.
Litro kopuru handia pilatu zen denbora gutxian. Euskalmetek emandako datuen arabera, Mungian, esaterako, 32 litro bota zituen metro koadroko. Bilboko Abusu auzoan 30 litro, eta Derion, 29.
Estoldek ezin izan zuten xurgatu eta ezin izan zuten behar bezala bideratu jasotzen ari ziren ur kantitate handia. Ondorioz, urez bete ziren errepideak, kaleak eta etxabeak. Kaleak erreka bihurtu ziren.
Derion Euskotrenen geltokia itxi egin behar izan zuten geltokiaren sarreran belaunetarainoko ura pilatu zelako. Mungian, berriz, futbol zelaia urez estalita geratu zen.ç
Basaurin hainbat kale ibai bihurtu ziren, eta urak zaborrontziak eraman zituen, eta urak hartu zuen El Semaforo taberna ezin izan dute ireki, Kareaga Goikoa kalean.
Bilbon urak bere bidea egin zuen eta indarrez, ur-jausi baten gisara jaitsi zen Mallonako eskaileretan behera, Unamuno plazaraino, Zazpikaleetan hedatuz. Argindarrik gabe bizilagun batzuk bertan, Artekalen eta Someran, uholdearen ondorioz transformadore bat hondatu zelako. Udalak jakinarazi du 30 gertakari artatu behar izan dituztela, guztiek estolderiekin, ur putzuekin edo eroritako semaforoekin lotuta, eta ez omen zen ezer larririk gertatu.
Larrialdi zerbitzuek hamaika dei jaso zituzten, eta haize zakarrak zuhaitzak bota zituen eta errepide istripuak gertatu ziren.
Hainbat abisu ezarri dituzte Euskal Herrian igande honetarako, euriteengatik
Gaur kalteak zenbatzeko eguna izango da, baina eguraldiak bide beretik jarraituko du. Zeruan erdi mailako hodeiak eta goi-hodeiak izango dira, ostarteak ere bai. Egunaren bigarren partean bero-hodeiak garatuko dira eta zaparradak eta trumoi-ekaitzak bota ditzake. Edonon bota ditzakeen arren, probabilitatea handiagoa izango da Nafarroan. Ekaitz-guneetan, zaparrada handiez gain, txingorra bota dezake eta haize-bolada oso gogorrak izan daitezke. Hegoaldeko haizea harro ibiliko da eta tenperatura ia ez da aldatuko.
Zure interesekoa izan daiteke
Gaurtik, eskaintza osasungarri eta jasangarria izan beharko dute Hego Euskal Herriko eskola-jantokiek
Hego Euskal Herriko eskoletan, jangelek derrigorrez bete beharko dute aurrerantzean elikadura osasuntsua bermatu asmo duen legea. Besteak beste, fruta eta barazkien kontsumoa bermatuko da eta proteinen eta janari frijituen maiztasuna murritu. Horrez gain ikastetxeetako ‘vending’ makinetako produktuek ere mugak izango dituzte.
Burdineria korrosioak jota zegoelako erori zen El Bocaleko pasabidea, perituaren esanetan
Peritu judizialak azaldu duenez, loturetako batean izandako akatsak beste loturen gaineko karga handitu zuen, eta horrek lehen eta bigarren mailako habeen arteko lotura guztiek huts egitea eragin zuen, eta taula erorarazi. Gainera, ondorioztatu duenez, ez dago egituraren mantentze-planik egin den ebidentziarik.
Renfek Donostiako tren-zerbitzua indartuko du, Kopako finala dela eta
Larunbat goizaldean (02:10ean) Donostiatik tren berezi bat irtengo da, Sevillako Cartuja geltokira 10:40an iristeko. Itzulerako trena Atletico Madril eta Realaren arteko partida amaitu ondoren aterako da Gipuzkoako hiriburura.
Zumaian agertutako gorpua Eibarren desagertutako 60 urteko emakume batena da
Autopsiaren arabera, pasa den igandean Itzurun hondartzan agertutako gorpuak ez zuen kriminalitate zantzurik. Apirilaren 13an, emakumearen senide batek agertu barik zegoela salatu zuen Eibarko ertzain-etxean, hilaren 11tik haren berririk ez zuelako.
Bertan behera gelditu da Lapurdin isuri gutxiko eremua sortzeko egitasmoa, eta aurrerantzean ere ez da bereizgarririk beharko
Lehen Asanblea Nazionalak egin bezala, orain Senatuak bidea itxi dio Lapurdiko kostaldean isuri gutxiko eremua sortzeko neurriari. Frantziako Gobernuak proposatutako neurriari ultraeskuinak jarritako ebazpena aintzat hartu du Ganberak.
Emakume bat atxilotu dute Bilbon, bikotekidea barruan zela lonja bati su emateagatik
Hainbat lekukok ikusi dute gertatutakoa: atxilotuak Atxuri auzoko lonja horren barrura zerbait bota du, eta sua piztu da gero. Emakumearen bikotekidea zegoen barruan, eta Basurtuko Ospitalera eraman dute.
Zabalik da erregularizazioa online egiteko aukera, eta aurrez aurre egiteko hitzordua eska daiteke
Eskabidea telematikoki egin ahal izateko, beharrezkoa da ziurtagiri elektronikoa izatea edo gaitutako profesionalen zein Atzerritarren Laguntzaileen Erregistroan inskribatutako erakundeen bitartez egitea. Eskabidea aurrez aurre egiteko hitzordua eska daiteke dagoeneko, baina datorren astelehenean, apirilaren 20an, hasiko da prozesua, tramiterako gaitutako puntuetan.
Albiste izango dira: migratzaileen erregularizazioa, Ekialde Hurbileko gerraren azken ordua eta Mitoaroa III-ren aurkezpena
Orain-ek gaur landuko dituen albiste nagusien laburpena.
EAEn aztertutako eskolen % 96etan gainditzen dute OMEk gomendatutako NO2aren kutsadura maila
Ekologistak Martxan taldeak zazpi udalerritako 78 eskolatan neurtu du nitrogeno dioxidoaren (NO2) maila: Gasteizen, Donostian, Errenterian, Oiartzunen, Barakaldon, Bilbon eta Erandion. Horietatik hirutan errespetatzen da Osasunaren Mundu Erakundeak (OME) jarritako metro kuboko 10 mikrogramoko langa.
Joko-aretoetan erruleta-makinak manipulatzen zituen talde kriminal baten burua atxilotu dute Irunen
Ertzaintzak 29 urteko gizon bat atxilotu zuen joan den ostegunean Irunen, joko-areto batean makinak manipulatzen harrapatu baitzuten. Atxilotu zutenean, ostegunean bertan lapurtutako 31.000 euro baino gehiago zeramatzan soinean, eta aurreko egunean antzeko beste lapurreta bat egin zuen Donostiako lokal batean. Poliziaren arabera, atxilotutako gizona talde kriminal baten burua da, eta hainbat lapurreta egozten dizkiote.