Haizeak gogor joko du berriro igande gauean

Eusko Jaurlaritzaren Segurtasun Sailak abisu horia ezarriko du haize bolada gogorrengatik igande gauean, 100 km/h-ko abiadura harrapatuko duten haize boladak espero baitira haizeguneetan.

Hain zuzen ere, abisu horia igandeko 21:00etatik asteleheneko 09:00etara egongo da indarrean, ostiralean haizeagatik alerta laranjan egon ostean.

Hego hego-ekialdeko haize boladak 100 km/h-tik gorakoak izango dira haizeguneetan, eta 60-80 km/h abiadura hartuko dute toki babestuagoetan. Gipuzkoan joko du gogorren haizeak.

Gainera, gaurko 21:00ak arte, abisu horia egongo da itsasoan, olatuak 4 metrorainokoak izango direlako une batzuetan.