Akusatuak esan du gizonarekin geratu eta zorabiatzen saiatu zela, lapurreta egiteko, baina ez zuela hil nahi
Hitzorduak egiteko aplikazio baten bidez gizon bat ezagutu eta hura hiltzen saiatzeaz akusatutako gizonaren aurkako epaiketa astelehen honetan abiatu da Bizkaiko Auzitegian, eta, akusatuak bertan adierazi duenez, "bulkada batean" eraso egin zion biktimari, baina, "zer egiten ari zen" konturatu zenean, "gelditu" eta "ihes" egin zuen. Akusatuak bere abokatuaren galderei bakarrik erantzun die.
"Besarkada soil batez nola zorabiatu azaldu zidaten. Nik ez dut horren berririk, ez dut sekula egin", adierazi du akusatuak. Hilketa saiakera egotzita epaitzen ari dira gizonezkoa, baina Bilbon izandako antzeko beste kasu batzuekin ere lotzen dute.
Saioan adierazi duenez, ihesi atera ondoren, etxera itzuli zen, oinutsik eta mugikorrik gabe alde egin zuelako, eta biktima oihuka hasi zen orduan. Une horretan, sarreran zegoen figura batez kolpatu zuen biktima.
2021eko abenduaren 17an Bilboko Zazpikaleetan jazo zen erasoa erapitzen ari dira. Ustez, hitzorduak egiteko erabiltzen den aplikazio baten bitartez geratu ziren akusatua eta biktima, elkartzeko. Fiskaltzaren arabera, ustezko erasotzailea biktima itotzen saiatu zen, baina. indarka aritu ostean, biktimak etxetik ihes egitea eta laguntza eskatzea lortu zuen, zaurituta zegoen arren. Hori dela eta, fiskalak 9 urteko kartzela-zigorra eskatuko du akusatuarentzat.
Gehitu elkarteak (herri-akusazioa osatuko du) 17 urte, 11 hilabete eta 29 eguneko kartzela-zigorra eskatuko du, hilketa saiakeraz gain, lesio delitua ere badagoela uste baitu. Gainera, erasoa sexu diskriminazioagatik egin izana astungarritzat hartzeko eskatuko du.
Akusatua 2022ko maiatzean atxilotu zuten, horrelako beste kasu batzuekin lotuta. Hain zuzen ere, Bilbon izandako beste hiru hilketarekin zerikusia duela uste dute.
Albiste gehiago gizartea
Lekeitiok bere egun handia ospatu du gaur Kaxarranka dantza tradizionalarekin
Zortzi arrantzalek eutsitako kutxaren gainean aritu da Olatz Maruri dantzaria. Bigarrengoz, emakume bat, duela bi urte Ane bere ahizpak egin ostean.
Pertsona bat atxilotu dute Donostian hiru edukiontzi erretzea egotzita
28 urteko gizonezko bat atxilotu dute, kalte-delituak egotzita.
Adina ez da oztopo euskal dantzak ikasten hasteko
Errenteriako Beti Bizkor erretiratuen elkarteko emakumeek adinari eta gaixotasunei aurre egin diete eta euskal dantzak ikasten dabiltza Nekane irakaslearekin. Ariketa fisikoa egitearekin batera, burua ere arin mantentzea da helburua.
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.